વિરોધ / પં.બંગાળની આ ઘટનાથી ભડક્યો હરભજન સિંહ; મમતાને ટ્વીટ કરીને કહ્યું: "આવું ના ચાલે"

હરભજનસિંહે ભાજપના નેતા ઇનપ્રિતસિંહ બક્ષીનો એક વીડિયો ટ્વિટર પર શેર કર્યો હતો. આ વીડિયોને શેર કરતાં હરભજને મુખ્યમંત્રી મમતા બેનર્જીને પગલા ભરવાની માંગ કરી છે.

Plz have a look into this matter @MamataOfficial this isn’t done 😡😡 https://t.co/mKrbQhn1qy

— Harbhajan Turbanator (@harbhajan_singh) October 9, 2020

શીખ સુરક્ષા જવાનને માર મારવાનો વીડિયો તાજેતરમાં વાયરલ થયો

સોશિયલ મીડિયા પર પ. બંગાળમાં શીખ સુરક્ષા જવાનને માર મારવાનો વીડિયો તાજેતરમાં વાયરલ થયો છે. આ સિક્યુરિટી ગાર્ડને સ્થાનિક ભાજપ નેતા પ્રિયાંગુ પાંડેની સુરક્ષામાં તૈનાત કરવામાં આવ્યો હતો. વાયરલ વીડિયોમાં કોલકાતા પોલીસ આ સિક્યોરિટી ગાર્ડને માર મારી રહી છે જે દરમિયાન તેની પાઘડી ખુલી જાય છે.

વીડિયો વાયરલ થયા બાદ શીખ સુરક્ષાકર્મીને મારવા બદલ પોલીસ સામે પગલાં ભરવાની માંગ કરવાની માંગ કરવામાં આવી રહી છે. જો કે આ વીડિયો આવ્યા બાદ હજુ સુધી મમતા સરકાર તરફથી કોઈ પ્રતિક્રિયા આપવામાં આવી નથી. 

મમતા સરકાર સામે આક્રમક થઈ BJP 

આ કેસ પછી રાજ્યમાં ભાજપ તૃણમુલ કોંગ્રેસ અને મમતા સરકાર સામે આક્રમક થઇ છે. દિલ્હી ભાજપ નેતા ઇમપ્રીત સિંહ બક્ષીએ આ ઘટના ઉપર ટ્વીટ કર્યું કે પ્રિયાંગુ પાંડેની સિક્યોરિટીમાં તૈનાત બલવિંદર સિંહને પાઘડી ખેંચી ખેંચીને ઉતારવો, સડક ઉપર ઘસડી ઘસડીને બર્બરતાથી મારવો આ ઘટના બંગાળ પોલીસની બર્બરતા દર્શાવે છે. મમતા બેનર્જી દોશી પોલીસવાળાઓ સામે સખત કાર્યવાહી કરે. આ પાઘડી વાળા શીખોએ જ બાંગ્લાદેશ બનાવ્યું છે.