કરુણાંતિકા.! / Video:આમને કઈ પડી જ નથી..વ્યારા નગરપાલિકાના પ્રમુખે કેક કાપી જન્મદિવસ ઉજવ્યો, મોરબીનો રાજ્યવ્યાપી શોક ભૂલ્યા

• રાજ્યવ્યાપી શોક વચ્ચે પ્રમુખ કાપી રહ્યા હતા કેક
• વ્યારા નગરપાલિકાના પ્રમુખના જન્મદિવસની ઉજવણી 
• સેજલ રાણાએ નપા ઓફિસમાં જન્મદિવસની કરી ઉજવણી

મોરબીની દુર્ઘટનામાં મૃત્યુ પામેલા દિવંગતોના શોકમાં રાજ્યવ્યાપી શોક પાળવાનો નિર્ણય કરવામાં આવ્યો હતો. આજે સ્વર્ણિમ સંકુલ અને વિધાનસભા સહિતની સમગ્ર જિલ્લાની કચેરી પર રાષ્ટ્રધ્વજ અડધી કાઠીએ ફરકાવી તેમજ પ્રાર્થના સભાઓ યોજી મોરબી પુલની દુર્ઘટનામાં જીવ ગુમાવનાર હતભાગીઓના આત્માઓની શાંતિ માટે પ્રાર્થના સભા સહિતના શ્રદ્ધાંજલી કાર્યક્રમો યોજાયા હતા. આ શોકમય ઘટના વચ્ચે વ્યારાના નગરપાલિકાના ઉપપ્રમુખનો વીડિઓ વાયરલ થયો છે. રાજ્યવ્યાપી શોક વચ્ચે પ્રમુખ કેક કાપી રહ્યા હતા. વ્યારા નગર પાલિકાના પ્રમુખના જન્મદિવસની જોરશોરથી ઉજવણી કરતી પણ દેખાઈ રહી છે. જે ઉજવણીમાં પાલિકાના ચીફઓફિસર અને ભાજપ શહેર સંગઠનના પ્રમુખ પણ નજરે પડી રહ્યાં છે. જુઓ આ વીડિયો....

સમગ્ર વીડિયો બાબતે સળગતા સવાલ
રાજ્યવ્યાપી શોક વચ્ચે પ્રમુખ  કેક કાપી રહ્યા હતા જે બાબતે અનેક સળગતા સવાલો ઉભા થાય છે. મોરબી દુર્ઘટનામાં રાજ્યવ્યાપી શોક વચ્ચે ઉજવણી કેમ? વ્યારા નગરપાલિકાના પ્રમુખ દુર્ઘટનાથી અજાણ છે?, કેમ મોરબી હોનારતનું દુ:ખ ભૂલી પોતે ઉજવણી કરે છે?, સેજલ રાણાએ નપા ઓફિસમાં જન્મદિવસની કેમ કરી ઉજવણી? સેજલ રાણાને મોરબી હોનારતનું દુ:ખ નથી?, આવા નેતાઓ લોકોનું શું ભલું કરશે? આ તમામ સવાલો ઉભા થાય છે.