નોંધનીય છે કે, આ તમામ આરોપીઓને સીબીઆઇની વિશેષ કોર્ટે 21 નવેમ્બરે દોષી કરાર કર્યા હતા. પહેલા વ્યાપમનું નામ વ્યાવસાયિક પરીક્ષા મંડળ હતું. જેને હવે 'પ્રોફેશનલ એગ્ઝામિનેશન બોર્ડ' કરવામાં આવી ચૂક્યું છે. જાન્યુઆરી, 1970માં વ્યાપમની સફરની શરૂઆત થઇ હતી. તેને પહેલા પ્રી-મેડિકલ ટેસ્ટ બોર્ડના નામથી ઓળખવામાં આવતું હતું. તેનુ ગઠન મેડિકલ પરીક્ષાઓનું આયોજન કરવા માટે કરાયું હતું.
2013માં પકડાયો હતો માસ્ટરમાઇન્ડ
વર્ષ 2000-12ની વચ્ચે આખા મધ્યપ્રદેશમાં લગભગ 55 મામલા નોંધાયા હતા. જેમા પરીક્ષા આપનારી જગ્યાએ કોઇ અન્ય ઉમેદવારે પરીક્ષા આપી હતી. 7 જુલાઇ 2013ના દિવસે પહેલીવાર કૌભાંડનો મામલો ઔપચારિક રીતે સામે આવ્યો હતો. ઇંદોરની ક્રાઇમ બ્રાન્ચે 20 લોકો વિરુદ્ધ મામલો દાખલ કર્યો. આ મામલાઓમાં પરીક્ષા આપનાર વિદ્યાર્થીઓની જગ્યાએ અન્ય કોઇએ પરીક્ષા આપી હતી. 16 જુલાઇ 2013એ કૌભાંડનો માસ્ટરJailમાઇન્ડ માનવામાં આવનાર જગદીશ સાગરની પોલીસે ધરપકડ કરી હતી.
345 વિદ્યાર્થીઓનું રિઝલ્ટ રદ્દ કરાયું
26 ઓગસ્ટ 2013એ વ્યાપમ કૌભાંડની તપાસ STFને સોંપવામાં આવી. 9 ઓક્ટોબર 2013એ 3 મહીના પહેલા પ્રી-મેડિકલ ટેસ્ટની પરીક્ષા પાસ કરનારા 345 વિદ્યાર્થીઓનું રિઝલ્ટ રદ્દ કરાયું હતું. 18 ડિસેમ્બર 2013એ મધ્ય પ્રદેશના પૂર્વ વરિષ્ઠ શિક્ષણ મંત્રી લક્ષ્મીકાંત શર્મા પર કેસ નોંધવામાં આવ્યો. 20 ડિસેમ્બર 2013ના દિવસે તાત્કાલિક બીજેપી ઉપાધ્યક્ષ ઉમા ભારતીએ મામલાની CBI તપાસ કરાવાની માંગ કરી હતી.