આ છે દેશનું VVIP વૃક્ષ દેખરેખ પાછળ થાય છે લાખો રૂપિયાનો ખર્ચ

નેતાઓ હોય કે પછી ફિલ્મ સ્ટાર અને ક્રિકેટરને તો ઘણી VVIP ટ્રીટમેન્ટ મળે છે પરંતુ તમને જાણીને નવાઈ લાગશે કે ભારતના એક શહેરમાં એક એવું વૃક્ષ છે જેને પણ VVIP ટ્રીટમેન્ટ મળે છે. આ વૃક્ષ એટલું ખાસ છે કે તેની સુરક્ષામાં ચોવીસ કલાક ગાર્ડ હોય છે. જેથી તેને કોઈ પ્રકારનું નુકસાન ન પહોંચે. આ વૃક્ષ છે મધ્યપ્રદેશની રાજધાની ભોપલમાં છે જેણે VVIP વૃક્ષ કહેવામાં આવે છેઆ બોધિ વૃક્ષ 15 ફૂટ ઊંચું છે જેને એક ટેકરી પર બનાવાયું છે. તેની સિક્યોરિટી ચારથી પાંચ ગાર્ડ્સ મળીને કરે છે. વૃક્ષ બચાવવા માટે કૃષિ વિભાગના અધિકારીઓ દર અઠવાડિયે અહીં મુલાકાત લે છે. તેની દેખરેખમાં દર મહિને લાખો રૂપિયાનો ખર્ચ આવે છે.

કેમ ખાસ છે આ વૃક્ષ?



વાસ્તવમાં આ એક બોધિ વૃક્ષ છે જે 100 એકરની સલામતપુરની પહાડી પર છે. વર્ષ 2012માં 21 સપ્ટેમ્બરને શ્રીલંકાના પૂર્વ રાષ્ટ્રપતિ મહિન્દ્રા રાજપક્ષે આ બોધિ વૃક્ષને અહીંયા લગાવ્યું છે. આ VVIP વૃક્ષને લોખંડની લગભગ 15 ફૂટ ઉંચી જાળીની અંદર દરેક સમયે હોમગાર્ડ્સની દેખરેખમાં રાખવામાં આવ્યું છે. તમને જણાવી દઇશ કે બૌદ્ઘ ઘર્મના અનુયાયિયો માટે આ બોધિ વૃક્ષનું ખાસ મહત્વ છે. બૌદ્ઘ ધર્મગુરુ અનુસાર બોધગયામાં ભગવાન બુદ્ઘએ આ વૃક્ષની નીચે જ્ઞાન પ્રાપ્ત કર્યુ હતુ.

દર વર્ષે ખર્ચ થાય છે 12-15 લાખ રૂપિયા:

સૂત્રોનુસાર VVIP ઝાડના મેંટનેંસ પર દર વર્ષે લગભગ 12-15 લાખ રૂપિયાનો ખર્ચ થાય છે. આ વૃક્ષની સુરક્ષામાં તૈનાત એક ગાર્ડે જણાવ્યુ કે વર્ષ 2012માં તેની અહીંયા પસંદગી થઇ હતી. તેમણે જણાવ્યુ કે આ પહેલા બોધિ વૃક્ષ જોવા માટે ઘણા લોકો આવે છે જોકે હવે તેની સંખ્યા ઓછી થઇ ગઇ છે. 

ઝાડ સુધી પહોંચવા માટે પાક્કો રસ્તો:




ઝાડ માટે પાણીની અછત ના થાય તે માટે ખાસ ધ્યાન રાખવામાં આવે છે. આ વિસ્તારને બૌદ્ઘ યૂનિવર્સિટી માટે આપવામાં આવ્યો છે. સમગ્ર ક્ષેત્ર બૌદ્ધિસ્ટ સર્કિટ તરીકે વિકસિત કરાઈ રહ્યું છે. પરંતુ હેરાન કરનારી વાત એ છે કે યુનિવર્સિટીના નામ પર આ વૃક્ષને રોપવામાં આવ્યું હતું તે યુનિવર્સિટીની બાઉન્ડ્રી પાછલા 5 વર્ષથી તૂટી ગઈ છે. જેને બનાવવા માટે સરકાર પાસે ફંડ નથી. આ વૃક્ષનું એક પાંદડું પણ સૂકાઈ જાય તો સરકાર દોડતી થઈ જાય છે. વૃક્ષ સુધી પહોંચવા માટ ભોપાલ-વિદિશા હાઈવેથી પહાડ સુધી પાકો રસ્તો પણ બનાવાયો છે.