અગસ્ટા વૈસ્ટલૈન્ડ કૌભાંડ: આરોપી ગેરોસા ભારતને સોંપવાનો ઇટાલી સરકારનો નનૈયો

UPA સરકાર વખતે 3 727 કરોડ રૂપિયામાં VVIP હોલિકોપ્ટર અગસ્ટા વેસ્ટલૈન્ડ કૌભાંડની તપાસ કરતી એજન્સીને ઝટકો લાગ્યો હતો. ઈટાલીએ આ મામલામાં યુરોપિયન બિચૌલિયા કાર્લો ગેરોસાને ભારતને સોંપવાની મનાઈ ફરમાવી છે. ગત વર્ષે સીબીઆઈએ નવેમ્બરમાં આ આરોપીના પ્રત્યાપણ મામલે અરજી કરી હતી. 

CBI દ્વારા જાહેર કરાયેલી ઈન્ટરપોલ રેડ કોર્નર નોટિસ પછી ગેરોસાની ઈટાલીમાં ધરપકડ કરાઈ હતી. બાદમાં તેને ભારતને સોંપી દેવા માટે અરજી કરાઈ હતી. હવે વિદેશ મંત્રાલય ફરી વખત આ મામલો ઈટાલી સરકાર સામે રજૂ કરશે.

આ સમગ્ર કૌભાંડનો પર્દાફાશ કરવા માટે ગેરોસાને ભારત લાવવો જરૂરી છે. ગેરોસા આ કેસમાં ખુબ જ અગત્યનો માનવામાં આવી રહ્યો છે. ભારતીય નેતાઓ અધિકારીઓ સંરક્ષણ મંત્રાલયના વરિષ્ઠ અધિકારીઓ હવાઈ દળના અધિકારીઓ ભૂતપૂર્વ એર ચીફ એસ.પી. ત્યાગી અને ગેરોસા પરિવાર પર લાંચ લેવાનો આરોપ લગાવવામાં આવ્યો છે.

આપને જણાવી દઇએ કે UPA સરકારના કાર્યકાળ વખતે આશરે ૧૨ જેટલા VVVIP હેલિકોપ્ટર આંગ્લો-ઇટાલિયન કંપની અગસ્ટાવેસ્ટલેન્ડ પાસેથી ખરીદવા મુદ્દે કરાર કરવામાં આવ્યો હતો. આ કરાર બાદ હેલીકોપ્ટરની ખરીદીમાં મોટાપાયે કૌભાંડ આચરવામાં આવેલ.

જે મામલે ગેરોસા વેલેન્ટીનો તેના સાથીદાર હેસચક સામે ફરીયાદ કરવામાં આવી હતી. આ કૌભાંડમાં સંડોવાયેલ ગેરોસો હાલ ઇટાલીમાં હોઇ ભારત સરકાર દ્વારા ઇટાલી સરકારને અરજી કરીને ઓગસ્ટાના આરોપીને ભારતને સોંપવાની વાત કરવામાં આવતા સરકારે નનૈયો ભણ્યો હતો.