વડોદરા / VUDA લાંચ કેસ મામલે ACBનું આરોપી એન.સી શાહના ઘરે સર્ચ ઓપરેશન

વડોદરા અર્બન ડેવલોપમેન્ટ ઓથોરિટીના બે અધિકારીઓ લાંચ લેતા ઝડપાયા છે. આ મામલે ACB દ્વારા તપાસ કરવામાં આવી રહી છે. ત્યારે ACBની ટીમે આરોપી નિલેશ શાહના ઘરે તપાસ કરતાં નિલેશ શાહ મળી આવ્યો હતો. 

નિલેશ શાહના ઘરે તપાસ કરાતા એક કવરમાંથી 12 લાખ 15 હજાર રોકડ રૂપિયા મળી આવ્યા. આ ઉપરાંત 235 ગ્રામ સોનું, 1 કિલો ચાંદી અને 3 દસ્તાવેજો પણ મળી આવ્યા હતા. વડોદરાના કોર્ટે બન્ને આરોપી નિલેશ શાહ અને શૈલેષ પટેલને જેલમાં મોકલ્યા છે.

મહત્વનુ છે કે, વુડા ઓફિસના જુનિયર ટાઉન પ્લાનર લાંચ લેતા ઝડપાયા હતા. CEO નિલેશ શાહે લાંચની માગ કરી હતી. પ્લોટ વેલીડેશન આપવા બાબતે રૂપિયા 1 લાખ 25 હજારની લાંચની માગ કરી હતી. જેની જાણ થતા ACBએ છટકું ગોઠવ્યુ હતુ. આ દરમિયાન પ્લાનરમાં ફરજ બજાવતા એસ.આર.પટેલ લાંચ લેતા ઝડપાયા હતા.