મહામંથનમાં ભાજપના નેતાએ ઓડિયોની તપાસ વિશે વાત કરી ત્યારે vtvના એડિટર હેમંત ગોલાણીએ જવાબ આપ્યો કે, આ વીડિયોને ચેલેન્જ કરશો નહીં. ચેનલ દ્વારા ઓડિયોની ચકાસણી કરવામાં આવી છે
ગુજરાતમાં સરકારી વ્યવસ્થાને કંલકીત કરતી ઘટના
ભાવનગરની દિકરીએ પરીક્ષા પાસ કર્યા બાદ પણ 5 લાખની લાંચની માગણી
Vtv દ્વારા સમગ્ર મામલે સત્તાધિશ અને વિપક્ષ સહિત શિક્ષણ સંઘને કરાયા સવાલ
ગુજરાતમાં આજે શિક્ષણ વિભાગને કંલકીત કરતી ઘટનાનો ઓડિયો સામે આવ્યો છે. જે મામલે Vtvના પ્રસિદ્ધ શૉ મહામંથનમાં ભાજપના નેતાએ ઓડિયોની તપાસ અને પુરાવા વિશે વાત કરી ત્યારે vtvના એડિટર હેમંત ગોલાણીએ જવાબ આપતા કહ્યું કે, આ વીડિયોને ચેલેન્જ કરશો નહીં. ચેનલ દ્વારા ઓડિયોની ચકાસણી કરવામાં આવી છે.
શું છે સમગ્ર મામલો
રાજ્યમાં સરકારી નોકરીમાં સિલેક્ટ થયા બાદ રૂપિયા આપવા પડે છે, અત્યાર સુધી તમે આ વાત લોકોથી માત્ર સાંભળી હતી. ત્યારે હવે આ મામલે એક પુરાવો સામે આવ્યો છે. અરવલ્લીના મોડાસાની શાળામાં એક ઉમેદવાર પાસેથી આચાર્યે મોટી રકમની માગ કરી હતી. માલપુર તાલુકાના સાતરડા ગામની રાધા કૃષ્ણ વિદ્યા વિહાર સ્કૂલના આચાર્ય હસમુખ પટેલ અને ઉમેદવાર શિક્ષિકા પ્રિતિબેનનો ઓડિયો વાયરલ થયો છે.
આ ઓડિયોમાં આચાર્યે ઉમેદવાર શિક્ષિકા પાસેથી દોઢ લાખ રૂપિયાની માગ કરી. મળતી માહિતી મુજબ ઈન્ટરવ્યૂ દરમિયાન ઉમેદવાર શિક્ષિકા પ્રિતિબેન પાસેથી 5 લાખ માગવામાં આવ્યા હતા. શાળાના સંચાલકોએ રૂપિયાની માગ કરતા ગરીબ પરિવારમાંથી આવેલા મહિલા ઉમેદવાર રડી પડ્યા હતા. ઈન્ટરવ્યુના થોડા સમય બાદ સ્કૂલના આચાર્ય હસમુખ પટેલે ઉમેદવાર શિક્ષિકાને ફોન કર્યો હતો. ફોન પર અંતે દોઢ લાખ રૂપિયા આપવા માટે આચાર્યે જણાવ્યું. ઓડિયો ક્લીપ વાયરલ થતા જિલ્લા શિક્ષણાધિકારીએ તપાસના આદેશ આપ્યા છે.