ધંધુકામાં ફાયરિંગ કરીને હત્યાને અંજામ આપવા મામલે આરોપીઓના CCTV ફૂટેજ સામે આવ્યા છે. પોલીસ હવે આ બાઈક સવાર શખ્સોને શોધી રહી છે..
ધંધુકામાં ફાયરિંગ કરીને યુવકની હત્યાનો મામલો
તપાસ દરમિયાન બાઈક સવાર શખ્સોના CCTV આવ્યા સામે
ફાયરિંગ કરવા આવેલા શખ્સોની શોધખોળમાં જોતરાઈ પોલીસ
તપાસ દરમિયાન બાઈક સવાર શખ્સોના CCTV આવ્યા સામે
અમદાવાદના ધંધુકામાં માલધારી સમાજના યુવકની હત્યા કરી મામલે પોલીસને આરોપીઓના CCTV ફૂટેજ સામે આવ્યાં છે. જેમાં બે શખ્સોએ બાઈક સવાર થઈને ફાયરિંગની કરીને કિશન ભરવાડની હત્યા કરી હતી. હવે પોલીસ આ બાઈક સવાર શખ્સોને શોધી રહી છે .
રાજ્યનાં ગૃહમંત્રીએ પિડીત પરિવારની મુલાકાત લીધી
અમદાવાદના ધંધુકામાં માલધારી યુવકની અજાણ્યા શખ્સોએ કરેલી હત્યામાં રાજ્યભરમાં ઘેરા પ્રત્યાઘાત છે. બીજી તરફ આ મામલે રાજ્યનાં ગૃહમંત્રી આજે ધંધુકા ખાતે પહોંચીને સમગ્ર ઘટના મામલે ઉચ્ચ પોલીસ અધિકારીઓ સાથે બેઠક કરી હતી આ દરમિયાન તેઓએ મૃત પામનાર યુવાનના ઘરના પરિવાર સાથે બેઠક કરી હતી અને ખાતરી આપી હતી કે, તેમને ઝડપથી ન્યાય મળશે, આ મામલે ગુજરાત પોલીસ સતત કાર્યરત છે.
આ અંગે પોલીસ સુત્રોના જણાવ્યા અનુસાર ધંધૂકામાં આજે સવારથી માહોલ શાંત છે. કેટલાક લોકો વિરોધપ્રદર્શન કરી રહ્યા છે જેથી SP સહિતના અધિકારીઓ દ્વારા પોલીસ બંદોબસ્ત ગોઠવી દેવામાં આવ્યો છે.પોલીસ દ્વારા પણ મૃતકના આરોપીની શોધખોળ કરવામાં આવી છે, આરોપી ધરપકડની નજીકમાં છે જેને પકડીને જેલને હવાલે કરવામાં આવશે.