vtvgujarati.comના ગુજરાત બચાવો ઓપરેશનને સારા પ્રતિસાદ સાંપડી રહ્યા છે. તાજેતરમાં જ SOG ક્રાઈમ બ્રાન્ચે અમદાવાદમાં રામોલ પાસેથી રૂા. 1.90 લાખનું MD ડ્રગ્સ ઝડપી પાડ્યુ છે. ગોવાથી અમદાવાદ આવેલુ રૂા. 1.46 કરોડનું MD ડ્રગ્સ ઝડપી પાડ્યુ હતુ. ત્યારે આજે ફરી વાર રૂા. 1.90 લાખના MD ડ્રગ્સ સાથે એક મહિલા સહિત 2 જણની ધરપકડ કરી છે. મોરબીમાંથી 21 કિલો ગાંજાના જથ્થા સાથે એકની ધરપકડ કરી છે.
રાજ્યનું યુવાધન નશાનો શિકાર બની રહ્યુ છે ત્યારે vtvgujarati.comના ઓપરેશન 'ગુજરાત બચાવો' બાદ પોલીસ પણ દરેક અવરજવર ઉપર પોતાની બાજ નજર રાખી રહી છે. અમદાવાદમાં રામોલ એક્સપ્રેસ હાઇવે ટોલ નાકા પાસેથી ધરપકડ કરી SOGએ રૂા. 1.90 લાખનું MD ડ્રગ્સ ઝડપી પાડ્યુ છે. મોરબીમાંથી 21 કિલો ગાંજાના જથ્થા સાથે એકની ધરપકડ કરી છે.
SOG પોલીસે 2 જણની કરી ધરપકડ
SOG ક્રાઈમ બ્રાન્ચે એક મહિલા સહિત 2 જણની ધરપકડ કરી છે. આ મહિલા MD ડ્રગ્સ હતુ. પોલીસે તેમની પાસેથી 19 ગ્રામ જેટલું ડ્રગ્સ ઝડપી પાડ્યું છે. SOG ક્રાઈમ બ્રાન્ચની ટીમને બાતમી મળી હતી કે, જમાલપુરમાં રહેતો નાસીરહુસેન શેખ ડ્રગ્સ લઈ અમદાવાદ આવી રહ્યો છે. જેના આધારે SOG ક્રાઈમ બ્રાન્ચની ટીમે રામોલ બરોડા એક્સપ્રેસ હાઈવે ઉપર વોચ ગોઠવી હતી. નાસીર હુસેન સાથે એક મહિલા પણ આવી હતી. પોલીસે બંનેની ધરપકડ કરી હતી.
શું આવ્યું તપાસમાં સામે
મહિલાની પૂછપરછ કરતા તેનું નામ નીલમ ઉર્ફે નેહા ઉર્ફે ઝોયા પરમાર હોવાનું જણાવ્યું હતું. તે જમાલપુરમાં રહેતી હોવાનું પણ જાણવા મળ્યુ હતુ. પોલીસે બંનેની તપાસ કરતા નીલમ પાસેથી પાર્ટી ડ્રગ્સ એમ્ફેટામાઇન મળી આવ્યું હતું. પોલીસે ડ્રગ્સ કબ્જે કરી ક્યાંથી લાવ્યા બાબતે પૂછપરછ કરતા નાસીર હુસેન આ ડ્રગ્સ મુંબઈથી સેન્ટ્રલ બે પાણીની ટાંકી પાસેથી નદીમ નામના શખ્સ પાસેથી લાવ્યો હતો. પોલીસે હાલ બંનેની વધુ પૂછપરછ શરૂ કરી છે.
મોરબીના પ્લોટમાંથી LCB એ દરોડા પાડીના 21 કિલો ગાંજો ઝડપી પાડ્યો
ગુજરાતના મોટા શહેરમાં ગાંજો મળવું તે સામાન્ય વાત થઈ છે. ત્યારે હવે ગાંજાનો વેપાર મોટા શહેરમાં જ નહી પરંતુ કસબામાં પણ થઈ રહ્યો છે. મોરબીના એક પ્લોટમાં છેલ્લા ઘણા સમયથી ગાંજાનો વેપાર થતો હતો. જેની જાણ થતા LCBએ દરોડા પાડ્યા હતા. LCBએ દરોડા પાડીને 21 કિલો ગાંજાના જથ્થા સાથે જુબેર અબ્દુસ મન્સૂરીને ઝડપી પાડ્યો. મોટા શહેરમાં જ નહી પરંતુ હવે નાના કસબામાં પણ યુવાનો નશાની લતમાં પડી રહ્યા છે.
શું હતુ 'ઓપરેશન ગુજરાત બચાવો'
vtvgujarati.com દ્વારા તાજેતરમાંજ ગુજરાતમાં ચાલતા ડ્રગ્સના કારોબારને સ્ટીંગ ઓપરેશન દ્વારા ખુલ્લો પાડવામાં આવ્યો હતો જેના પડઘા રૂપે પોલીસવડા શિવાનંદ ઝાએ પરિપત્ર જાહેર કર્યો હતો કે જ્યાંથી પણ ડ્રગ્સ અંગેની પ્રવૃત્તિ ચાલતી હશે અને જો પોલીસ નીસક્રિય કે આંખ આડા કાન કર્યા હોય તેવો ખ્યાલ આવશે તો PI અને PSIને સસ્પેન્ડ કરવામાં આવશે. હાલમાં રોજનું રાજ્યમાંથી કિલોમાં કેફી દ્રવ્ય પકડાઈ રહ્યુ છે જ યુવાનોની નશોમાં પહોંચવાનું હતુ. અમદાવાદ અને રાજકોટમાં આવાજ નશાના કારોબાર સાથે સંકળાયેલા લોકોને પોલીસે પોતાની ગીરફ્તમાં લીધા છે.