VExpo / VTV Gujarati વર્ચ્યુઅલ VExpoનું આજે સમાપન; વાલીઓ અને વિદ્યાર્થીઓ પાસેથી મળ્યો અદ્ભુત પ્રતિસાદ

VTVGujarati.comની વેબસાઈટ ઉપર શિક્ષણના સાચા માર્ગદર્શન માટે ડિજિટલ એક્સ્પોનું આયોજન કરવામાં આવ્યું હતું. આ એક્સ્પોનો મુખ્ય ઉદ્દેશ કોરોનાના કાળમાં વિદ્યાર્થીઓ અને વાલીઓની શિક્ષણ અને કારકિર્દીને લગતી દ્વિધા ઉકેલવાનો અને તેમને યુનિવર્સિટી અને કોર્સિસ માટે અલગ અલગ ઓપ્શન બતાવવાનો હતો જેથી તેઓ તેમની સ્કીલ અને પ્રેફરન્સ પ્રમાણે સારામાં સારા પ્રોગ્રામમાં એનરોલ થઇ શકે. ગુજરાતી મીડિયાના ઈતિહાસમાં કદાચ પ્રથમ વખત આ આયોજન કરવામાં આવ્યું હતું. 

તમામ પાર્ટીસિપંટ્સનો VTV માને છે આભાર 

આ વર્ચ્યુઅલ એક્સ્પોમાં પારુલ યુનીવર્સીટી, ખ્યાતિ ફાઉન્ડેશન, પનાશ એકેડમી, બાબા સાહેબ આંબેડકર ઓપન યુનીવર્સીટી, મારવાડી કોલેજ, ગણપત યુનીવર્સીટી, ક્ષિતિજ વિવાન ઇન્સ્ટીટયુટ વગેરે જેવી પ્રતિષ્ટિત સંસ્થાઓએ ભાગ લીધો હતો જયારે સ્ટુડન્ટ લોન માટે SBIએ ભાગ લીધો હતો. આ તમામ વર્ચ્યુઅલ સ્ટોલ ઉપરથી વાલીઓ અને વિદ્યાર્થીઓએ ઘણી માહિતીનો લાભ લીધો હતો. 

શું હતો આ એક્સ્પો?

VExpo નો મૂળ હેતુ એ હતો કે તમે જે તે શૈક્ષણિક સંસ્થા સાથે જોડાવા માંગો છો તેની વિસ્તૃત માહિતી એક જ પ્લેટફોર્મ એટલે કે VTV Gujaratiની વેબસાઈટ ઉપર જોઈ શકો અને બીજી સંસ્થાઓની માહિતી સાથે તેને તરત સરખાવી શકો. આ માટે VExpo એજ્યુકેશન એક્સ્પોમાં ડિજિટલ સ્ટોલ લગાવવામાં આવ્યા હતા જેની એક ક્લિકથી તમને જે તે સંસ્થા તેના શૈક્ષણિક કાર્યક્રમમાં શું ઓફર કરે છે, શું કોર્ષ છે, શું અવધિ છે, ક્લાસરૂમ કેવા છે વગેરે જેવી માહિતી લખાણ, ફોટા અને વીડિયો સ્વરૂપે તમારા મોબાઈલ કે કમ્પ્યુટરના સ્ક્રીન ઉપર પહોંચાડી હતી.