ભાજપના રાષ્ટ્રીય અધ્યક્ષ જે.પી. નડ્ડા સાથે VTV ન્યૂઝ દ્વારા ખાસ વાતચીત કરવામાં આવી હતી. જેમાં તેઓએ જણાવ્યું હતું કે, ભાજપ માટે ગુજરાત રાજકીય પ્રયોગશાળા છે, અમે ગુજરાતમાં કરવામાં આવેલ પ્રયોગ અન્ય રાજ્યોમાં પણ કરીશું.
ભાજપના રાષ્ટ્રીય અધ્યક્ષ સાથે VTVની ખાસ વાતચીત
ગુજરાતમાં રેકોર્ડબ્રેક સાથે ભાજપ સત્તા મેળવશેઃ જે.પી.નડ્ડા
ભાજપ માટે ગુજરાત રાજકીય પ્રયોગશાળા છેઃ નડ્ડા
ગુજરાત વિધાનસભાની ચૂંટણી માટે પોતાના પ્રચારનો ધમધમાટ તેજ કરી દીધો છે. તમામ રાજકીય પક્ષોના દિગ્ગજ નેતાઓ અને સ્ટાર પ્રચારકો ગુજરાતના વિવિધ વિસ્તારોમાં રેલીઓ કરી રહ્યા છે અને સભાઓ ગજવી રહ્યા છે. ત્યારે ભાજપના રાષ્ટ્રીય અધ્યક્ષ જે.પી. નડ્ડા આજે સતત બીજા દિવસે રાજકોટમાં ચૂંટણી પ્રચાર કરી રહ્યા છે. રાજકોટના મહેમાન બનેલા જે.પી નડ્ડા સાથે VTV ન્યૂઝે ખાસ વાતચીત કરી હતી. જેમાં તેઓએ જણાવ્યું હતું કે, ગુજરાત ભાજપ માટે રાજકીય પ્રયોગશાળા છે, અમે બીજા રાજ્યોમાં પણ અમલવારી કરીશું.
લોકોને નરેન્દ્ર મોદી પર અતૂટ વિશ્વાસ છેઃ જે.પી.નડ્ડા
VTV સાથે વાત કરતા જે.પી નડ્ડાએ જણાવ્યું હતું કે, ગુજરાતના લોકોને નરેન્દ્ર મોદી પર અતૂટ વિશ્વાસ છે, ગુજરાતની જનતા આગામી વિધાનસભાની ચૂંટણીમાં આશીર્વાદ આપવા માટે આતુર છે. ભાજપ દ્વારા કરવામાં આવેલી ટિકિટ ફાળવણીને લઈને કરવામાં આવેલા સવાલના જવાબમાં તેઓએ જણાવ્યું હતું કે, ગુજરાત ભાજપ માટે પ્રયોગશાળા છે. અહીં પ્રયોગ કરવામાં આવ્યા છે. અન્ય રાજ્યોમાં પણ પ્રયોગ કરવામાં આવશે.
આ વખતે અમે રેકોર્ડ બનાવીશું: ભાજપના રાષ્ટ્રીય અધ્યક્ષ
કોંગ્રેસ પર પ્રહાર કરતા તેઓએ જણાવ્યું કે, 'કોંગ્રેસને કોઈ સિરિયસ લેતું નથી, કોંગ્રેસ જ્યારે સત્તામાં હતી ત્યારે તેણે શું કર્યું તે તમે લોકો સારી રીતે જાણો છો અને અત્યારે પણ શું કરે છે તે પણ જાણો છો.' આગામી ગુજરાત વિધાનસભાની ચૂંટણીના પરિણામ અંગે વાત કરતા તેઓએ જણાવ્યું હતું કે, 'સીટ અમે બાદમાં જણાવીશું, પરંતુ આ વખતે અમે રેકોર્ડ બનાવીશું.'
ભાજપ રાષ્ટ્રીય અધ્યક્ષ જે.પી.નડ્ડાની VTV સાથે વાતચીત