Vtvનું સ્ટિંગ ઓપરેશન:કંડલા પોર્ટ પર દાણચોરી થઇ રહી હોવાનો ખુલાસો

કચ્છ: તમે ક્યારેય એવું સાંભળ્યું છે કામ કરવા માટે લોકો કંપનીને રૂપિયા આપતા હોય. પણ હા આ વાત એકદમ સાચી છે. વાત છે ગાંધીધામ-કચ્છમાં આવેલા ગુજરાતના ગૌરવ સમાન કંડલા પોર્ટની. અહીં સ્થિત કેટલાંક કપડાના યુનિટ દ્વારા અનેક ગેરરીતિ આચરાતી હોવાની વાતનો VtVએ સૌથી મોટો ખુલાસો કર્યો છે. VtVએ કરેલા સ્ટિંગ ઓપરેશનમાં સોનાની દાણચોરી છતી હતી.

કંડલા સ્પેશિયલ ઈકોનોમિક ઝોનમાં વપરાયેલા કપડાની ગાંસડી એટલે કે બેલનું સેટિંગ કરવામાં આવે છે. જેના માટે કંપની દ્વારા કર્મચારીઓના બદલે મજૂરો કામે લગાડાય છે. નવાઈની વાત એ છે કે મજૂરી પેટે કંપની દ્વારા રૂપિયા ચૂકવવાના બદલે પ્રત્યેક ગાંસડી દીઠ વ્યક્તિ પાસેથી રૂ. 450 લેવામાં આવે છે. વાત સાંભળીને તમને કદાચ આંચકો લાગશે. 

ઉલ્લેખનીય છે કે વીટીવીએ કરેલા સ્ટિંગમાં જોઈ શકાય છે કે પ્રતિબંધિત વિસ્તારમાં ગેટ પાસ વિના એન્ટ્રી નથી. તેમ છતાં પચાસ રૂપિયા જેટલી મામૂલી રકમ લઈને સિક્યુરિટી ગાર્ડ કોઇપણને અંદર પ્રવેશ આપે છે. રોજ આવા હજારોની સંખ્યામાં લોકોને પ્રવેશ આપીને તગડી કમાણી કરી લેવામાં આવે છે.



વીટીવીના સંવાદદાતાએ અહીં અંદર પ્રવેશ કર્યા બાદ રૂ. 450 આપીને એક ગાંસડી ખરીદ્યા બાદ જીન્સ સ્વેટર કોટ બ્લેઝર વગેરેના ખિસ્સા ખંખેરવાનું શરૂ કર્યું. અડધી ગાંસડી ખોલ્યા બાદ કોટમાંથી શંકાસ્પદ સોનાના બટણ મળી આવ્યા હતા.