હૈદરાબાદમાં બનેલી દુષ્કર્મની ઘટનાએ સમગ્ર દેશને જગઝોરી દીધો છે. નિર્ભયા પછી ફરી દેશ જાણે એક બની ગયો છે. ચારે બાજુ એક જ અવાજ ઉઠી રહ્યો છે કે નરાધમોને સજા આપો. મુદ્દો સંસદમાં પણ ગૂંજ્યો. ત્યારે આપણે વાત કરવી છે આપણા ગુજરાતની આપણા અમદાવાદની.
ગુજરાતની યુવતીઓ કેટલી સુરક્ષિત
VTV દ્વારા કરાયું રિયાલિટી ચૅક
અમદાવાદમાં મોડી રાત્રે યુવતીઓ કેટલી સુરક્ષિત છે. આ રિયાલિટી ચૅક કરવા માટે VTV ની ટીમ શહેરના ગોતા વિસ્તારમાં પહોંચી. નોંધનીય છે VTV ની ટીમ ગાડી નહીં પણ એક્ટિવા લઈને પહોંચી હતી ત્યાં અચાનક મોડી રાત્રે એક્ટિવા બંધ પડ્યું. આસપાસ જોયું તો કોઈ મદદ ન મળી.
અનેક વાહનો પસાર થઈ રહ્યા હતા. પણ કોઈએ આવીને એ ન પૂછ્યું કે બહેન શું થયું છે ? કોઈ મદદની જરૂર છે ? આ આપણું અમદાવાદ છે. મદદની આશા છોડી દીધી. સમય રાત્રિના 12 વાગ્યાનો હતો. શું કરવું અને શું ન કરવું તેની મૂંઝવણ વચ્ચે પોલીસ હેલ્પલાઈન નંબર 100 ડાયલ કર્યો. ત્યારબાદ શું ઘટના બની તે ખરેખર જોવા જેવી છે.