Vtv Exclusive: માંગરોળમાં જળબંબાકાર વિરોલ ગામના આ દ્રશ્યો જણાવે છે મેઘાનું રૌદ્રરૂપ

જૂનાગઢ જિલ્લાના માંગરોળ તાલુકામાં છેલ્લા ત્રણ દિવસથી પડી રહેલા અનરાધાર વરસાદના કારણે તારાજી સર્જાઈ છે. સમગ્ર તાલુકો જાણે બેટમાં ફેરવાયો છે. જ્યાં જુઓ ત્યાં પાણી જ પાણી જોવા મળી રહ્યું છે. આ દ્રશ્યો જોતા એવું લાગી રહ્યું છે કે જાણે આ સમગ્ર વિસ્તાર દરિયામાં ફેરવાય ગયો છે.

ખાસ કરીને માગરોળના થલી શાંઢા ઘોડાસર અને વિરોલ સહિતના ગામડાઓમાં પુરના પાણી ફરી વળ્યા છે. જેના કારણે આ ગામડાઓ સાથે સંપર્ક તુટી ગયો છે. સૌથી મહત્વની બાબત તો એ છે કે હજૂ સુધી તંત્રનો એકપણ અધિકારી કે બચાવ કર્મી આ ગામડાઓની મદદે પહોંચ્યો નથી.



ઉલ્લેખનીય છે કે તંત્રના અધિકારીઓ પહેલા Vtvની ટીમ લોકોની મદદે પહોંચી ગઈ છે. Vtvના કેમેરામાં કેદ થયેલા આ દ્રશ્યો જ દર્શાવે છે કે અહીંના લોકો કેવી મુશ્કેલીનો સામનો કરી રહ્યા છે.. દૂર-દૂર સુધી ક્યાંય પણ જમીનનો એક નાનકળો ભાગ પણ નથી દેખાઈ રહ્યો. એવું લાગી રહ્યું છે કે લોકો બસ કુદરતના ભરોસે જ જીવી રહ્યા છે. કારણ કે લોકો સુધી પહોંચવામાં તંત્ર નિષ્ફળ રહ્યું છે.