VTV IMPACT / વડોદરાઃ VTVના અહેવાલ બાદ વિપક્ષના નેતાને અક્કલ આવી, દોઢ વર્ષ બાદ પરત કરશે ફોન

• મેયર જીગીશાબેન શેઠે 89 હજારનો આઈફોન વર્ષ 2018માં ખરીદયો
• સત્તાધીશો મોંઘા ફોન ખરીદીને જાણે જનતાની મજાક કરી રહ્યાં છે
• મનપાએ આપેલો સવા લાખની કિંમતનો ફોન ચંદ્રકાંત શ્રીવાસ્તવ પરત કરશે

તંત્ર દ્વારા લાખો રૂપિયાની કિંમતના ફોન નેતાઓ અને હોદ્દેદારોને આપવામાં આવ્યા હતા. આ અંગે VTVમાં અહેવાલ આવ્યા બાદ દોઢ વર્ષે નેતાઓ અને હોદ્દેદારોમાં અકલ આવી હતી જેમાં વિપક્ષના નેતા ફોન પરત આપવા માટેની તજવીજ શરૂ કરી હતી. 

દોઢ લાખની કિંમતનો ફોન કરશે પરત
VTVના અહેવાલ રજૂ કરતા વિપક્ષના નેતા ચંદ્રકાંત શ્રીવાસ્તવે ફોન જમા કરવાનો નિર્ણય કર્યો છે. મનપાએ આપેલો સવા લાખની કિંમતનો ફોન ચંદ્રકાંત શ્રીવાસ્તવ પરત કરશે.. 

દોઢ વર્ષ પહેલા આપ્યા હતા ફોન
મનપાએ દોઢ વર્ષ પહેલા હોદ્દેદારોને સવા લાખના આઈફોન મોબાઈલ આપ્યા હતા. વીટીવીના અહેવાલ બાદ ચંદ્રકાંત શ્રીવાસ્તવના સૂર બદલાયા છે. અદ્યતન ટેક્નોલોજીના ઉપયોગની દલીલ કરીને ચંદ્રકાંત શ્રીવાસ્તવ બચાવ કરી રહ્યા હતા. ત્યારે હવે ચંદ્રકાંત શ્રીવાસ્તવે ફોન પરત કરવાનો નિર્ણય લીધો છે

શું હતો વિવાદ
વડોદરાનાં ડેપ્યુટી મેયર જીવરાજભાઈ ચૌહાણ તેમના હાથમાં દેખાતા આ આઈફોનની કિંમત રૂ. 1 લાખ 1 હજાર છે. આ આઈફોન તેમણે વર્ષ 2018માં ખરીદ્યો હતો. જ્યારે પત્રકારોએ ડેપ્યુટી મેયરને આવા મોંઘા ફોન ખરીદવાનું કારણ પૂછ્યું તો તેમણે કહ્યું વિકાસ સાથે તાલમેલ જાળવી રાખવા આવા ફોન પણ જરૂરી છે.

સામાન્ય જનતાના કરવેરાના પૈસા મોબાઈલમાં વાપર્યા
પ્રજાના રૂપિયા તાગડ ધિન્ના કરવાનો અધિકાર શાસક, વિપક્ષ કે અધિકારીઓને કોણે આપ્યો તે સવાલ ઉઠી રહ્યો છે. અરે ત્યાં સુધી કે મહાનગરપાલિકાનાં કોન્ટ્રાક્ટ કર્મચારીઓને નિયમિક પગાર ચૂકવાતો નથી. જાહેર કરાયેલી કેશડોલ્સ ચૂકવવામાં ઢીલીનિતી અપનાવાઈ રહી છે. ત્યારે સત્તાધીશો મોંઘા ફોન ખરીદીને જાણે જનતાની મજાક કરી રહ્યાં છે.

મનપા હોદ્દેદારોએ પોતાના ફોન બીલ પાલિકામાં મુક્યા
મેયર, ડેપ્યુટી મેયર, વિપક્ષ નેતા, મ્યુનિસિપલ કમિશનર, ડેપ્યુટી મ્યુનિસિપલ કમિશનર, આરોગ્ય અમલદાર, આઈટી ડાયરેકટર સહિતના અધિકારીઓ એપલ કંપનીનાં 80 હજારથી લઈને સવા લાખ રૂપિયા સુધીનાં ફોન ખરીદીના બીલ પાલિકામાં મુક્યાં છે. મેયર જીગીશાબેન શેઠે 89 હજારનો આઈફોન વર્ષ 2018માં ખરીદયો, તો ડેપ્યુટી મેયર જીવરાજ ચૌહાણે પણ 1.1 લાખનો આઈફોન વર્ષ 2018માં ખરીદ્યો.

સૌથી મોંઘો ફોન વિપક્ષના નેતાનો
વિપક્ષ નેતા ચંદ્રકાન્ત શ્રીવાસ્તવે તો એક નહીં પરંતુ બે ફોન ખરીદ્યાં જેમાં એક ફોન વર્ષ 2017માં 82 હજારનો જયારે બીજો ફોન વર્ષ 2019માં 1.24 લાખનો ખરીદ્યો. વિપક્ષ નેતાએ પહેલો ફોન માત્ર બે જ વર્ષમાં કોર્પોરેશનને પરત કરી બીજો ફોન સૌથી મોંઘો 1.24 લાખમાં ખરીદી પાલિકામાં રેકોર્ડ બનાવ્યો. ફોન ખરીદીનો વિવાદ ઉભો થયો તો મેયરે પણ એ વાત કહી કે ઝડપી વિકાસ માટે આવાં ફોન પણ જરૂરી છે.