પરિપત્ર / IMPACT: અસહ્ય તાપના કારણે કચ્છની સરકારી શાળાઓમાં કરાઈ સવારપાળી, VTVના અહેવાલ બાદ તંત્રએ લીધો નિર્ણય

• VTVના અહેવાલની અસર
• પ્રાથમિક જિલ્લા શિક્ષણ અધિકારીનો નિર્ણય
• કચ્છ પ્રાથમિક શાળાનો સમય બદલાયો

કચ્છમાં કાળઝાળ ગરમીથી લોકો ત્રાહિમામ પોકારી રહ્યા છે.હવામાન વિભાગે કચ્છમાં હિટવેવની અસરની આગાહી કરી હતી જેની અસર કચ્છના શિક્ષણ પર જોવા મળી રહી છે.

અહેવાલ બાદ શાળાના સમયમાં ફેરફાર
VTV ન્યૂઝ સતત સમાજ પ્રત્યેની પોતાની જવાબદારી નિભાવી રહ્યું છે. VTV ન્યૂઝ દ્વારા કચ્છમાં વધી રહેલી ગરમીને કારણે પ્રાથમિક શાળાના બાળકોની સંખ્યા ઘટી હોવાને એક અહેવાલ પ્રસારિત કરવામાં આવ્યો હતો. આ અહેવાલ પ્રસારિત થતા કચ્છના પ્રાથમિક જિલ્લા શિક્ષણ અધિકારીએ શાળાના સમયમાં ફેરફાર કરવા માટેનો નિર્ણય લીધો છે. હાલ કચ્છમાં હિટવેવની સાથે લૂ લાગે એવી ગરમી પડી રહી છે. આ ગરમીને કારણે શાળામાં બાળકોની સંખ્યા ઘટી રહી હતી. જે અહેવાલ બાદ જિલ્લા પ્રાથમિક શિક્ષણ અધિકારીએ પરિપત્ર જાહેર કરી પ્રાથમિક શાળાનો સમય સવારનો કરી દીધો

શાળાઓનો સમય બપોરે 11 થી 5 હતો
હવામાન વિભાગની આગાહી મુજબ રાજ્યની સાથે સરહદી ક્ચ્છ જિલ્લામાં હિટવેવની અસર જોવા મળશે. ગરમીનું પારો ઉચકાતા તેની અસર કચ્છના પ્રાથમિક શિક્ષણ પર જોવા મળી રહી છે.સરકારી પ્રાથમિક શાળાઓનું સમય બપોરે 11 થી 5 હોવાથી વિદ્યાર્થીઓ પ્રખર તાપ અને લૂ માં શાળાએ આવવા મજબૂર બન્યા હતા.ગરમીનું પ્રમાણ વધતા કચ્છની સરકારી પ્રાથમિક શાળાઓનો સમય સવારે કરવા તીવ્ર માંગ વાલીઓ તેમજ શિક્ષક સમાજે કરી હતી. ગરમીના કારણે શાળાએ અભ્યાસ માટે આવતા વિદ્યાર્થીઓમાં ઘટાડો નોંધાયો છે જે ખૂબ ગંભીર છે કેમકે કોરોના કાળ બાદ માંડ શાળાઓ રાબેતા મુજબ શરૂ થઈ છે ત્યારે ફરીએકવાર ગરમીના કારણે બાળકો શાળાથી દૂર ન થાય તે જોવા પણ રજુઆત કરવામાં આવી હતી.

ગરમીને કારણે વિદ્યાર્થીઓની સંખ્યામાં ઘટાડો નોંધાયો હતો
કચ્છની સરકારી પ્રાથમિક શાળાઓના સમયમાં ફેરફાર અંગે થયેલી રજુઆત અંગે વિટીવી ન્યુઝ સાથે વાતચીત કરતી નાયબ જિલ્લા પ્રાથમિક શિક્ષણાધીકારીએ જણાવ્યું હતું કે, કચ્છમાં હાલમાં ગરમીનું પ્રમાણ વધતા શાળાએ આવતા વિદ્યાર્થીઓની સંખ્યામાં ઘટાડો નોંધાયો સાથે વિદ્યાર્થીઓને ગરમીમાં કોઈ મુશ્કેલી ન પડે તે માટે જે રજૂઆતો આવી છે તે અંગે વિચાર વિમર્શ કરી ટુક સમયમાં યોગ્ય નિર્ણય કરવામાં આવશે.ત્યારે વીટીવી ગુજરાતીએ દર્શાવેલા અહેવાલ બાદ શાળાના સમયમાં ફેરફાર કરી સવારની સ્કૂલ કરી દેવામાં આવી જેથી બાળકોને હવે ખરો તડકો નહીં નડે.