ગુજરાતમા હાલ કોરોના વાયરસ બેકાબુ જોવા મળી રહ્યો છે. ત્યારે કોરોનાને લઇને ખાનગી હોસ્પિટલો ઉઘાડી લૂંટ ચલાવી રહી હોવાનું સામે આવ્યું છે. ત્યાર VTVએ કેટલીક ખાનગી હોસ્પિટલની ઉઘાડી લૂંટનો અહેવાલ રૂજ કર્યો હતો. જો કે VTVના આ અહેવાલ બાદ AMC તંત્ર સફાળું જાગેલુ જોવા મળ્યું. ત્યારે હવે AMC દ્વારા ખાનગી કોવિડ હોસ્પિટલના ચાર્જમાં ઘટાડો કરવામાં આવ્યો છે.
ખાનગી હોસ્પિટલો ચાર્જના નામે ચલાવતી હતી લૂંટ
VTV ના અહેવાલ બાદ AMC દ્વારા લેવાયો નિર્ણય
AMC એ ખાનગી કોવિડ હોસ્પિટલનો ચાર્જ ઘટાડયો
ગુજરાતમાં મહામારીના સમયમાં ખાનગી હોસ્પિટલના કોવિડ સેન્ટરમાં લેવાતી તોતિંગ ફી વિષે VTV ન્યુઝે હાલમાં જ અહેવાલ રજૂ કર્યો હતો. VTVના અહેવાલ બાદ AMCએ મહત્વનો નિર્ણય લીધો છે.
વોર્ડ
જૂનો ખર્ચ
નવો ખર્ચ
ઘટાડો
HDU
9000
8100
900
ICU નોન વેન્ટિલેટર
18050
16500
1550
ICU વેન્ટિલેટર
21850
19600
2250
AMCએ ખાનગી કોવિડ હોસ્પિટલમાં ચાર્જ ઘટાડવાનો નિર્ણય કર્યો છે. HDUનો એક દિવસનો ચાર્જ રુપિયામાં 9000થી ઘટાડી રૂ 8100 કરાયો છે. જ્યારે ICU નોન વેન્ટિલેટરનો ચાર્જ રૂ. 18050માંથી રૂ.16500 કરાયો છે.
જ્યારે ICU વેન્ટિલેટર માટેનો ચાર્જ રૂ, 21 હજાર 850માંથી રૂ. 19600 કરાયો છે. આ નિયમ તમામ કોવિડ ડે.જીગ્નેટેડ હોસ્પિટલમાં આજથી આ ચાર્જ લાગુ પડશે.
આમ અમદાવાદમાં કોરોનાનો કહેર સતત વધી રહેલો દેખાઇ રહ્યો છે. ત્યારે ખાનગી હોસ્પિટલો દ્વારા કોવિડ દર્દીઓ પાસેથી ઉઘાડી લૂંટ કરવામાં આવતી ફરિયાદો સતત વધી રહી હતી. જો કે તેને ધ્યાનમાં લઈને અમદાવાદ મ્યુનિસિપલ કોર્પોરેશન દ્વારા કોવિડ પોઝિટિવ દર્દીઓની સારવારના ખર્ચમાં ઘટાડો કરવાનો નિર્ણય લેવામાં આવ્યો છે.