VTVનો ગ્રાઉન્ડ ઝીરો રિપોર્ટ / સદાય દેશવાસીઓની પડખે રહેનાર જવાનો વડોદરાવાસીઓ માટે દેવદૂત બની આવ્યા

દેશની સેના જ્યારે જ્યારે પણ જરૂર પડે ત્યારે હંમેશા આગળ રહેતી હોય છે. દેશની સરહદના રખુપાની વાત હોય કે દેશમાં આવેલી કોઈ આફતની વાત હોય. હંમેશા આપણા વીર જવાનો આગળ જ રહેતા હોય છે. વડોદરામાં (vadodara) પણ ધોધમાર વરસાદ (rain) બાદ પેદા થયેલી સ્થિતિ વચ્ચે સેનાના જવાનો (jawan) ના એવા અનેક દ્રશ્યો એવાં છે કે જેને જોઈને તેમને ગર્વ થાય. વરસાદને કારણે ટ્રાન્સપોર્ટ વ્યવસ્થા ખોરવાઈ ગઈ હતી ત્યારે જવાનોએ પોતાના વાહનોમાં બેસાડી શહેરીજનોને મદદ કરી.

વડોદરામાં વરસાદને કારણે પેદા થયેલી સ્થિતિ એટલી વિકટ છે કે હજુ સુધી ભરાયેલા પાણી ઓસર્યા નથી. હજુ શહેરના અનેક વિસ્તારો જળમગ્ન છે. રાહત અને સામગ્રી હજુ સુધી જોઈએ તેટલી પહોંચી નથી. તેના કારણે લોકોના સ્થિતિ ખુબ જ વિકટ છે. વીટીવીની ટીમે આવા અનેક વિસ્તારોમાં જઈ ગ્રાઉન્ડ ઝીરો રિપોર્ટીંગ કર્યું હતું અને સ્થિતિનો સાચો તાગ રાજ્યની જનતા સુધી પહોંચાડવાનો પ્રયાસ કર્યો હતો. તો સૈન્યના જવાનોની કામગીરી ખરેખર બિરદાવવા લાયક હતી. કારણ કે એવા અનેક વિસ્તારોમાં સૈન્યના જવાનો પહોંચ્યા કે જ્યાં કોઈ પહોંચી શક્યું ન હતું.

જવાનોએ અનેક લોકોને રેસક્યું કરીને બચાવ્યા અને ત્યાર બાદ લોકોને સેનાની ગાડીમાં બેસાડી યોગ્ય જગ્યાએ પહોંચાડ્યાં. વીટીવી ટીમ સતત સેનાની સાથે હતી અને સેનાના સેવાકાર્યની એક એક પળ પોતાના કેમેરામાં રેકોર્ડ કરી રહી હતી. શહેરમાં પાણી ભરાઈ જવાને કારણે ટ્રાન્સપોર્ટ વ્યવસ્થા ખોરવાઈ ગઈ છે. જેના કારણે લોકો પરેશાન છે. પરંતુ સેનાના જવાનોએ કોઈ પણ સ્થિતિની પરવાહ કર્યા વિના તે તમામ લોકોનું ન માત્ર રેસક્યું કર્યું. પરંતુ લોકોને બહાર કાઢીને સુરક્ષિત સ્થળે પણ ખસેડ્યાં અને તે પણ પોતાના વાહનોમાં.

વીટીવીની ટીમ સતત સેનાની સાથે હતી. સેનાના સેવાકાર્યોની એક-એક પળ પોતાના કેમેરામાં રેકોર્ડ કરી રહી હતી. જવાનોની સેવા જોઈ લોકોની છાતી ગજ ગજ ફુલી ગઈ હતી. લોકો સેનાના આ કાર્યોને બિરદાવી રહ્યાં હતાં અને સેનાના જવાનોએ કરેલી કામગીરીથી લોકો એટલા ખુશ હતા કે તેમની પાસે કોઈ શબ્દોના હતાં. વડોદરામાં વરસેલા ધોધમાર વરસાદ બાદ પેદા થયેલી સ્થિતિમાં લોકો છેલ્લાં 2 દિવસથી ફસાયેલા હતાં અને ફસાયા પણ એવા હતા કે ન તો તેમને ખાવાનો એક દાણો મળ્યો કે નતો પીવા માટે પાણીનું ટીપ્પું મળ્યું હતું. લોકોના હાલ બેહાલ થઈ ગયા હતાં.

એવાં સમયે આપણી સેનાના જવાનોએ તેમને આ મુશ્કેલીમાંથી બહાર કાઢ્યાં અને જે લોકોને બહાર પોતાના વતન જવાનું હતું ત્યાં તેમને પહોંચાડવા માટે પોતાના વાહનોથી રેલવે સ્ટેશન સુધી પહોંચાડ્યાં. વીટીવીની ટીમ પણ સતત દેવદૂત બનીને કામ કરી રહેલા જવાનો સાથે જ હતી. જવાનો હંમેશા દેશવાસીઓ પર આવી પડતી મુશ્કેલીઓમાં સાથે હોય છે. તો એક જાગૃત મીડિયા તરીકે વીટીવીની પણ ફરજ છે કે અમારે પણ તેમની સાથે રહેવું અને તેમના ઉમદા કાર્યોને આપના સુધી પહોંચાડવા.

જ્યારે જ્યારે કુદરતી આપદા આવે ત્યારે તમને હંમેશા NDRFની ટીમ સેવા કરતી જોવા મળતી હશે. NDRFના જવાનો કોઈ પણ સ્થિતિ હોય. ઘટનાસ્થળ પર પહોંચીને લોકોની મદદ કરતા હોય છે. વડોદરામાં પણ NDRFના જવાનોએ એવા અનેક રેસક્યું ઓપરેશન હોય કે લોકોની મદદ હોય. તમામ કાર્યો કરી લોકોના દીલ જીતી લીધાં. વડોદરાના જે વિસ્તારોમાં સ્થિતિ વિકટ છે ત્યાં વીટીવી ટીમ ત્યાં સ્થિતિનો સાચો તાગ તમારી સુધી પહોંચાડી રહી છે.

પળે પળની માહિતી રાજ્ય અને દેશના લોકો મેળવી શકે તેના માટે વીટીવીના જાંબાંઝ રિપોર્ટર દિવસ રાત કામગીરીમાં લાગેલા છે. શહેરની વિકટ સ્થિતિમાં NDRFના જવાનોએ પણ એવી ઉત્તમ કામગીરી કરી છે કે જેના વખાણ કરીએ તેટલા ઓછા છે. આ જવાનોને કોઈ કેમેરાનો મોહ હોતો નથી તેમના માટે તો લોકોના જીવ બચાવવા અને તેમને મુશ્કેલીમાંથી બહાર કાઢવા એજ પ્રથમ કાર્ય હોય છે. ત્યારે NDRFના જવાનોના કાર્યોને તમારા સુધી પહોંચાડવા અમારી ફરજ છે. તેથી અમે સતત NDRFના જવાનોની સાથે હતાં અને તેમના દરેક કાર્યોને અમારા કેમેરામાં રેકોર્ડ કરી રહ્યાં હતાં.

બીજી બાજુ SDRFની ટીમ પણ સતત કામગીરી કરી લોકોને પાણીમાંથી બચાવી રહી છે. શહેરના અનેક વિસ્તારો એવા છે જ્યાં પુરના પાણી હજુ જોઈએ તેટલા ઓસર્યા નથી જેના કારણે સ્થિતિ હજુ પણ ત્યાં વિકટ છે. પરંતુ SDRFના જવાનો ત્યાં પહોંચીને લોકોની મદદ કરી રહ્યાં છે. વીટીવીની ટીમ પણ સતત SDRFનાં જવાનોની સાથે હતી અને તેમની ઉત્તમ કામગીરીને તમારા સુધી પહોંચડાવાનો પ્રયાસ કરી રહી હતી.