એવા ગામ વિશે વાત કરવી છે જે ગામને વોલીબોલ પ્લેટરના ગામ તરીકે ઓળખવામાં આવે છે. કારણ કે, આ ગામમાં 300 જેટલા વોલીબોલના નેશનલ ખેલાડી છે. પરંતુ આજે એવું લાગી રહ્યું છે કે, સરકાર અને રમત-ગમત મંત્રાલય આ ગામને અને આ ગામના ખેલાડીઓને ભૂલી ગયું છે. કેવી રીતે જુઓ આ રિપોર્ટમાં
આ ગામે 300 વોલીબોલ ખેલાડી આપ્યા છે
કોચનો અભાવ છતાં સરકાર જાણવા છતાં અજાણ?
સાધનોનો અભાવ છતાં સરકાર અંધારામાં?
ગીર સોમનાથ નું વોલીબોલ પ્લેયર તરીકે ઓળખાતું સરખડી ગામ. અને આ ગામે આપ્યા છે 300 જેટલા નેશનલ ખેલાડી. તેમ છતાં આ ગામને છેલ્લા બે વર્ષથી નથી મળતા સરકાર માંથી સાધનો. નેટ, વોલીબોલ, કોચ સહિત ની તમામ સવલત 2 વર્ષ થી બંધ થતા ખેલાડીઓ મૂંઝાયા.
વોલીબોલ ટીમના કેપ્ટન પણ રહી ચૂક્યા
આ દ્રશ્યો છે ગીર સોમનાથ જિલ્લાના સરખડી ગામના, જ્યાં 300 જેટલા વોલીબોલ ખેલાડીઓ છે. જેમાં 200 ખેલાડી તો માત્ર મહિલા ઓ જ છે. છેલ્લા 35 વર્ષમાં આ ગામમાંથી નેશનલ અને ઇન્ટરનેશનલ કક્ષાએ અનેક ખેલાડીઓ એ પોતાનું યોગદાન આપી દેશ અને સરખડી ગામનું નામ રોષન કર્યું છે. નાનકડું એવું 45 સૌ ની વસ્તી ધરાવતા આ ગામેં અનેક વોલીબોલ ખેલાડીઓ આપ્યા છે. તેમજ ચેતના વાળા નામની ખેલાડીએ દેશની મહિલા વોલીબોલ ટીમના કેપ્ટન પણ રહી ચૂક્યા છે. તેમ છતાં આજે આ ગામને સરકાર દ્વારા આપતી તમામ સવલતો છેલ્લા બે વર્ષથી બંધ છે.
ગુજરાત માં સરકાર દ્વારા યુવાઓની પ્રતિમા બહાર લાવવા માટે અનેક પ્રયત્નો કરાય છે. અને ખેલમહાકુંભ જેવા કાર્યક્રમો દ્વારા છેવાડા ગામથી અનેક યુવાનો એ સિદ્ધિ પણ હાંસલ કરી છે. પરંતુ જે ગામ છેલ્લા 35 વર્ષથી ગુજરાત અને દેશને વોલીબોલ ના ખેલાડીઓ આપી રહ્યું છે. તે ગામ આજે સરકાર સમક્ષ મીટ માંડી ને બેઠું છે. એક તો કોચનો અભાવ છેલ્લા 3 વર્ષથી હતો. ત્યાં છેલ્લા બે વર્ષથી સરકાર દવરા આપવામાં આવતા વોલીબોલ, નેટ સહિતના સાધનો પણ મળતા બંધ થતાં યુવા ખેલાડીઓ મુંજવણ માં મુકાયા છે. ત્યારે હાલ તો ગામના અગ્રણીઓ અને યુવા ખેલાડીઓ દ્વારા ફંડ એકત્રિત કરી સાધનો ખરીદાય છે. પરંતુ તેમ છતાં આ ગામના યુવા ખેલાડીઓ સરકાર પાસે આશા રાખી રહ્યા છે કે સરકાર દવરા અપાતા સાધનો ફરી થી મળતા થાય.