મઘમઘતા ગુલાબની ખેતીમાં રૂપિયા રોક્યા સફળ ઉત્પાદન પણ કર્યું પણ પ્રોપર માર્કેટ ન મળતા ખેડૂતે પાછીપાની કરવી પડી. જાણીએ શું કહે છે ખેડૂત આ વીશે
ખેતીવાડી- Gayatri Joshi
ગુજરાતમાં ગુલાબની ખેતીની વાત આવે એટલે સાબરકાંઠા જિલ્લાના ખેડબ્રહ્મા તાલુકાના લક્ષ્મીપુરાના કંપના ખેડૂત રમેશભાઈ વિઠ્ઠલભાઈ પટેલનો ઉલ્લેખ ચોક્કસથી થાય. ગુજરાતમાં ડચ રોઝની સફળ ખેતી માટે રમેશભાઈની ખ્યાતી ગામેગામ પ્રસરી હતી.
ફૂલ સાથે શાકભાજી પણ વાવ્યા
રમેશભાઈએ 50 એકર એટલે કે 100 વિઘામાં ડચ રોઝની ખેતી કરી હતી. તેમણે તાઈવાનના પપૈયા. અને મરચાં પણ વાવ્યા હતા. આ સાથે જ આમળા, શક્કર ટેટી, તરબૂચ, લીંબુ, દુધી, રીંગણ, કોબીજ, બટટા સહિતના શાકભાજી વાવ્યા હતા વળી કપાસ અને દિવેલાની પણ ખેતી કરી હતી.
ગ્રીન હાઉસ અને ટપક સિંચાઈ પદ્ધતીનો ઉપયોગ
રમેશભાઈએ સો સો ટકા ટપક સિંચાઈ પદ્ધતિનો ઉપયોગ કર્યો હતો. અને 0.85 હેક્ટરમાં ગ્રીન હાઉસ કરી ગુલાબ વાવ્યા હતા.
ખાસ પૂનાથી લાવ્યા છોડ
રમેશ ભાઈ પૂનાથી ડચ રોઝના સાત લાખ છોડ લાવ્યા હતા. આ રોઝનો છોડ દિઠ ભાવ નિભાવ ખર્ચ સહિત 5 પડતો હતો અને હોલેન્ડની ટીમ ખાસ આ ખેડૂતના ખેતરની મુલાકાતે આવી હતી. તેમના ગુલાબ ઈન ડિમાન્ડમાં રહેતા હતા. તેમને આ આખો પ્રોજેક્ટ પાછળ રૂ. 1 કરોડનો ખર્ચ થયો હતો. ઉત્પાદન પણ સારુ હતુ.
દિલ્હી, મુંબઈ, જયપુર, અમદાવાદમાં ડચ રોઝ મોકલવામાં આવતા હતા. પરંતુ ઉત્પાદનના પ્રમાણમાં રમેશભાઈને પ્રોપર માર્કેટ નહોતું મળ્યું એટલે આખરે તેમણે આ પાક કાઢી નાંખ્યો અને ગ્રીન હાઉસપણ કાઢવું પડ્યું.
ગુલાબના વેચાણ માટે પ્રોપર માર્કેટની આવશ્કતા
ગુલાબના માર્કેટ માટે પ્રોપર માર્કેટની પણ આવશ્કતા હોય છે. ખેડૂતોને ખેત ઉત્પાદનોમાં માર્ગદર્શનની સાથે સાથે તેમને તેમની પ્રોડક્ટના વેચાણ માટે પણ સરકાર મદદ કરે તો ઘણા પ્રગતિશિલ ખેડૂતો ખેતી કરવા તૈયાર છે.
શું કહે છે ખેડૂત
રમેશભાઈ આ અંગે જણાવે છે કે, મને ગુલાબના 10થી 15 રૂપિયા મળતા હતા એ જ ગુલાબ વેપારી 70 રૂપિયામાં વેચતા હતા. મને પ્રોપર મર્કેટ ન મળવાને કારણે આખરે મારે પાછુ હટવું પડ્યું પણ જો મને હજુ મોકો મળશે તો હું હજુ આવી ખેતી ફરી કરીશ.