IPLIN
 

VTV EXCLUSIVE / કંઈક તો શરમ કરો : ભાવનગરના 'વિકાસનો રસ્તો' 17 વર્ષથી અધૂરો, 39માંથી માત્ર 8 કિ.મી જ રોડ બન્યો

Team VTV 02:08 PM, 07 Mar 22 | Updated: 02:17 PM, 07 Mar 22
Follow us
vtv exclusive bhavnagar road work unfinished for 17 years

VTV ન્યૂઝે ભાવનગરમાં રિયાલીટી ચેક કરતા તંત્રની પોલ આવી સામે, 39 કિ.મીની મંજૂરી સામે તંત્રએ 17 વર્ષમાં માત્ર 8કિ.મી બનાવ્યો રીંગરોડ

  • વીટીવી ન્યૂઝે ભાવનગરના વિકાસની ખોલી પોલ
  • ભાવનગરમાં 17 વર્ષથી રીંગરોડનું કામ અધુરુ
  • VTV NEWSના રિયાલીટી ચેકમાં હકીકત આવી સામે

વિકાસ, વિકાસ અને માત્ર વિકાસ. આ શબ્દથી ચૂંટણીઓમાં ભોળી પ્રજાને છેતરવાના ધંધો કરતા નેતાઓએ શરમથી પાણી પાણી થઇ જવુ જોઇએ. વિકાસના નામે મત લેવા દોડતા આવી જાય પરંતુ કામ તો માત્ર કાગળો પર જ. કરોડોના કામોની જાહેરાત કરવામાં આવે પરંતુ ચૂંટણી જાય પછી તું કોણ અને હું કોણ. જો કે હવે તો ચૂંટણી નજીકમાં જ છે ત્યારે વીટીવી ન્યૂઝે ભાવનગરમાં વિકાસના દાવાઓની પોલ ખોલી.

17 વર્ષથી રીંગરોડનું કામ અધુરુ

ભાવનગર મહાનગર પાલિકામાં સતત 25 વર્ષથી ભાજપ સત્તા સ્થાને રહ્યું છે. વિકાસના અનેક કામો કરવામાં આવ્યા તો બીજી તરફ અનેક વાયદાઓ પણ કરવામાં આવ્યા ત્યારે વીટીવી ન્યૂઝ દ્વારા રિયાલીટી ચેક કરતા વિકાસના દાવાની પોલ ખૂલી છે. વીટીવી ન્યૂઝે રિયાલીટી ચેક કરતા તંત્રની કામગીરીની ચોંકાવનારી હકીકત સામે આવી.  ભાવનગરના રિંગરોડનું કામ છેલ્લા 17 વર્ષથી અધૂરુ. છેને ચોંકાવનારી વાત.  25 વર્ષથી સત્તામાં બેઠેલા શાસકો  આજ દિન સુધી  એક આખો રીંગરોડ બનાવી શક્યા નથી. 17 વર્ષમાં માત્ર 8 કિલોમીટર જ રોડ બન્યો, હજુ 31 કિલોમીટર રોડ  બનાવવાનો તો બાકી જ છે.

297 કરોડ ફાળવ્યા છતા કામ અધુરૂ

ભાવનગરનો આ રીંગરોડ જ્યાં રોજના હજારો લોકો અવરજવર કરે . કુલ 39 કિલોમીટરની લંબાઇ ધરાવતા રીંગરોડ પર માત્ર 8 કિલોમીટર સુધીનો જ રોડ બન્યો છે,  રુવાથી નવા બંદર સુધીનું કામ હજુ બાકી છે. જૂના બંદર રોડથી કેબલ સ્ટેઇડ બ્રિજ સુધીનું કામ પણ હજી બાકી છે પરિણામે  વાહનચાલકોએ મુશ્કેલીનો સામનો કરવો પડે છે.  રીંગરોડના કામ માટે સરકાર દ્વારા 297 કરોડની ફાળવણી પણ કરવામાં આવી . પરંતુ અનિયમિત ગ્રાન્ટ અને રાજકીય કાવાદાવાઓ વચ્ચે કામગીરી હજી પણ થઇ નથી.

સળગતા સવાલ

  • 297 કરોડની ફાળવણી છતાં રીંગરોડનું કામ બાકી કેમ ?
  • 17 વર્ષ થયા, પાલિકા એક રીંગ રોડ બનાવી ન શકે ?
  • 17 વર્ષમાં માત્ર 8 કિલોમીટર જ રોડ બન્યો ?
  • માર્ગ અને મકાન વિભાગની આટલી ધીમી કામગીરી કેમ ?
  • પ્રજાના પૈસે ક્યાં સુધી આમ જ વેડફાતા રહેશે ?
  •  નિયમિત વેરો ભરતી પ્રજાને સુવિધાને બદલે પરેશાની ક્યાં સુધી ?
Vtv Exclusive Bhavnagar રીંગરોડ રિયાલીટી ચેક વિકાસ ભાવનગર
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ