સંશોધન / Vtv Exclusive : જુઓ જગતના તાતની સમજદારી અને ટેક્નોલોજીના સરવાળાનું સરસ પરિણામ

• 4 રૂપિયામાં 40 કિલોમીટર ચાલે છે બાઈક 
• 70ની સ્પીડથી દોડી શકે છે આ ઈલેક્ટ્રિક બાઈક 
• GTUમા બે વિદ્યાર્થીઓનું અનોખું સાહસ

એક સમયમાં દેશી પદ્ધતિથી કરવામાં આવતી ખેતી હવે ધીમેધીમે આધુનિક બની રહી છે. આ આધુનિક ખેતી ખેડૂતો માટે સહજ ખર્ચાળ હોય ત્યારે ખર્ચાળ ખેતીને સસ્તી કરવા અવનવા સાધનોની શોધ લોકો કરતા હોય છે અને તેમાં પણ હવે કોરોના બાદ વોકલ ફોર લોકલ નું સૂત્ર અને આત્મનિર્ભર બનાવામી વાત ખુદ વડાપ્રધાન કરી રહ્યં છે ત્યારે જગત નો તાત પણ સમય ની સાથે તાલ મેળવી રહ્યો છે અને નવીનતમ શોધ  કરી રહ્યો છે ખેતીમાં વાવણી બાદની અનેક કામગીરી માટે એક માંથી અનેક કામો કરતા એક જુગાડ બાઇકનો ભાવનગરના સીદસરના એક ખેડૂતે આવિષ્કાર કર્યો છે. વિવિધ કામોમાં સહજ ઉપયોગીના જુગાડ બાઇક  કે જે ટ્રેકટર કે સનેડો(મીની ટ્રેક્ટર) જેવા સાધનો કરતા 80 ટકા  સસ્તું અને સરળ બની રહે છે તો આવો જાણીએ આ જુગાડ બાઇક વિશે.

આજના સમયમાં ખર્ચાળ બની રહેલી ખેતીને સસ્તી અને ઝડપી બનાવવા લોકો અવનવા સાધનોની શોધ કરતા હોય છે. સામાન્ય રીતે ખેતીમાં બળદ દ્વારા હળ ચલાવી કે ટ્રેકટર કે મીની ટ્રેકટર દ્વારા ખેતી કરવામાં આવતી હોય છે.આજના સમયમાં કાયમી બળદની જોડી પોતાના ઘરોમાં રાખવી સામાન્ય ખેડૂતને પોસાય તેમ ન હોય તે ખેતીની સિઝનમાં સાતી ભાડે કરી ખેતી કરતા હોય છે.

જુના બાઈકમાંથી નિંદામણ સહિતના વિવિધ ખેતીકામોના ઉપયોગમાં આવી શકે તેવું એક જુગાડ બાઈક બનાવ્યું

આવું જ ટ્રેકટરનું છે કે જેને પણ ખેડૂતો ભાડે કરી વાવણી ,નિંદામણના કામો કરતા હોય છે. પરંતુ નાના ગામોમાં અમુક ખેડૂતો પાસે જ બળદ અથવા ટ્રેકટર હોય જેથી ભાડે રાખીને ખેતીકામ કરાવતા ખેડૂતોને ટ્રેક્ટર કે બળદના માલિકોના સમય મુજબ તેની અનુકૂળતા મુજબ ખેતી કરવા મજબૂર થવું પડે છે ત્યારે આ તમામ બાબતોનો તોડ જાતે લુહાર અને ખેડૂત એવા ભાવનગરના સીદસર ગામના જયેશ મકવાણાએ શોધી કાઢ્યો છે. તેમણે એક જુના બાઈકમાં નિંદામણ સહિતના વિવિધ ખેતીકામોના ઉપયોગમાં આવી શકે તેવું એક જુગાડ બાઈક બનાવ્યું છે.

માત્ર ૩૦,૦૦૦ રૂ. ની કિંમતમાં તૈયાર થતું આ જુગાડ બાઈક

આ બાઈકમાં કારનું ડીફ્રેસન સહિતનું ગીયર બોક્ષ ફીટ કરવામાં આવ્યું છે. જેનાથી તાકાતમાં ખુબ વધારો થાય છે અને માટીના ઢેફા વચ્ચે પણ આસાનીથી ચાલી શકે છે અને વળાંક સહિતની કામગીરી આસન બની જાય છે. માત્ર ૩૦,૦૦૦ રૂ. ની કિંમતમાં તૈયાર થતું આ જુગાડ બાઈક કે જેમાં વાવણી ની સાથે સાથે નિંદામણ ના વિવિધ કામો જેમાં કળીયુ,ચાહણો, બેલી,બેલો,દોઢીયો ચાલી શકે છે. તેમજ પાછળ હળની જગ્યાએ ટ્રોલી લગાવી નીરણ વગેરે વાડીએથી ઘરે કે ઘરેથી વાડીયે પણ લઇ જઈ શકાય છે.

ખેતીના પ્રારંભે ખેતરના ખેડાણ માટે ટ્રેકટર કે બળદ ની સાતી ની જરૂર પડે છે જયારે ત્યારબાદ ની વિવિધ પ્રકારની કામગીરી માટે આ જુગાડ બાઈક અતિ ફાયદારૂપ બની રહે છે.  સામાન્ય રીતે બાઈક લોકોને ચલાવતા આવડતું હોય જેથી ઘરના બે કે તેથી વધુ સભ્યો મળી ખેતીની વિવિધ કામગીરી સરળતાથી કરી શકે છે.આ ઉપરાંત વરસાદી સિઝનમાં વરસાદ પડી ગયા બાદ ૪ કે ૫ દિવસ બાદ ખેતરોમાં નિંદામણ વગેરેની કામગીરી સાતી કે ટ્રેક્ટર દ્વારા થઇ શકે છે જયારે આ જુગાડ બાઈક દ્વારા બે દિવસ બાદ પણ કામગીરી કરી શકાય છે. આ ઉપરાંત આ બાઈકમાં મુકેલા સેટિંગ કારણે કોઈપણ પ્રકારની જમીન પર તેની ક્ષમતા અનુસાર કામગીરી કરી શકાય છે. સામાન્ય રીતે ટ્રેકટર દ્વારા નિંદામણ ની કામગીરી માં એક વિધાએ ૨૫૦ થી ૩૦૦ રૂપિયા  જેટલો ખર્ચ થતો હોય છે જયારે આ જુગાડ બાઈક થી માત્ર ૩૫ થી ૪૦ રૂપિયા  માં પ્રતિ વીઘે નિંદામણ કરી શકાય છે. જુના બાઈક ની કિંમત ખાસ ન હોય જેથી આ બનાવવામાં પણ સસ્તું પડે છે અને સામાન્ય ખેડૂતોને પોસાય પણ શકે છે. 

ભાવનગર જિલ્લાના ખેદઃસુતો પણ હવે માથે હાથ દઈ ને બેઠા રહેવાના બદલે સંશોધન તરફ આગળ વધ્યા છે અને પોતાની જાત મહેનત થી આગળ વધી ને ખરા અર્થ માં આ દેશ  ખેતી પ્રધાન દેશ છે અને અહીં જગત નો તાતાંજ મહાન છે તે વાત ને સાર્થક કરી રહ્યં છે