ભણે ગુજરાત અંતર્ગત જૂનાગઢ જિલ્લામાં નેસમાં રહેતા બાળકોને શિક્ષણ મળી રહે તે માટે નવતર પ્રયાસ ધોરણ - 3 થી લઇને આઠ સુધીના બાળકોને શિક્ષણ મળી રહે તે માટે એક નવતર અને ખૂબ ઉપયોગી પ્રયાસ કરવામાં આવ્યો છે જેમાં ઑનલાઈન શિક્ષણ માટે અહી એક ટીવી સેટ મૂકવામાં આવ્યો છે
શિક્ષકોએ પોતાના ખર્ચે ટીવી સેટ કર્યા ભેટ
જૂનાગઢના નેસડાઓમાં ટીવી સેટની ભેટ
નેસમાં રહેતા વિદ્યાર્થીઓ પણ નહીં રહે શિક્ષણથી અડગા
ભણશે ગુજરાત આગળ વધશે ગુજરાત. આ સૂત્રને જૂનાગઢ શિક્ષણ વિભાગે સાર્થક બનાવ્યું છે. કારણ કે, જ્યાં મોબાઈ નેટવર્ક કે, ટીવીની સુવિધા નહોતી તેવા વિસ્તારમાં પણ વિદ્યાર્થીઓને શિક્ષણ મળી રહે તે માટે વ્યવસ્થા કરી છે. જંગલને અડિને આવેલા નેશડાઓમાં શિક્ષણ વિભાગ દ્વારા ટીવીની વ્યવસ્થા કરવામાં આવી છે. જેથી કરીને નેશમાં રહેતા બાળકો પણ કોરોના કાળમાં શિક્ષણથી વંચિત ન રહે. કેવી છે આ પહેલની તસવીરો. અને કોના કારણે અંતરિયાળ વિસ્તારમાં પહોંચ્યું ઓનલાઈન શિક્ષણ જુઓ આ રિપોર્ટમાં
ભણે ગુજરાત'ના સૂત્રને સાર્થક કરવા જૂનાગઢ જિલ્લા (Junagadh District)માં એક ખાસ અભિયાન છેડવામાં આવ્યું છે. જેમાં પ્રથમવાર જંગલમાં આવેલા નેસમાં રહેતા માલધારીઓનાં બાળકોને શિક્ષણ (Education) મળી રહે તેવા પ્રયાસો હાથ ધરવામાં આવ્યા છે. ખાસ કરીને ઑનલાઈન અભ્યાસ (Online Education) માટે અહીં ટીવીની સુવિધા ઊભી કરવામાં આવી છે. જૂનાગઢ જિલ્લાના ભેંસાણ તાલુકાના જંગલ વિસ્તાર એવા પાઢવડ કોઢા વિસ્તારમાં આવેલા નેસમાં રહેતા પરિવારોના બાળકો પશુ-પાલન વ્યવસાય સાથે જોડાયેલા છે. તેમને શિક્ષણ મળી રહે તેવા પ્રયાસો હાથ ધરવામાં આવ્યા છે
ધોરણ - 3 થી લઇને આઠ સુધીના બાળકોને શિક્ષણ મળી રહે તે માટે એક નવતર અને ખૂબ ઉપયોગી પ્રયાસ કરવામાં આવ્યો છે. જેમાં ઑનલાઈન શિક્ષણ માટે અહીં એક ટીવી સેટ મૂકવામાં આવ્યો છે. જેથી બાળકો ટીવીના માધ્યમથી અભ્યાસ કરી શકે. સાથે સાથે એક શિક્ષક પણ અહીં અભ્યાસ કરાવવા આવે છે. અહીં અભ્યાસ કરતા બાળકોમાં અનેરો રોમાંચ જોવા મળે છે. તેમનું કહેવું છે કે, "અમારે અભ્યાસ કરવો હતો પણ સિંહ અને દીપડા જેવા પ્રાણીઓને લઇ અમે અભ્યાસ કરી શકતા ન હતા. આજે અમારે આંગણે એટલી સરસ સુવિધા ઊભી થઈ હોવાથી અમે અભ્યાસ કરીએ છીએ. આ અભ્યાસ સાથે હવે અમે હિસાબ કરતા શીખીશું. જે અમારા દૂધના વ્યવસાયમાં ખૂબ જ ઉપયોગી થશે
ખાસ તો અહીં અભ્યાસ કરતા બાળકોએ જણાવ્યું હતું કે, અમારી પેઢીમાં કોઈએ અભ્યાસ કર્યો ન હતો. અમને ખૂબ મજા આવે છે. અમને અહીં સ્કૂલ બેગ અને પુસ્તકો આપવામાં આવ્યાં છે. સાથે ટીવી હોવાથી ગમ્મત સાથે અહીં અભ્યાસ કરી રહ્યા છીએ
નેસમાં રહેતી મહિલાએ સરકારનો આભાર માન્યો હતો. મહિલાઓએ જણાવ્યું હતું કે, અમારા નેસમાં ટીવીથી અભ્યાસ કરાવવામાં આવે છે તે ખરેખર અમારા માટે સપના સમાન છે. સાથે શિક્ષક પણ અહીં આવે છે. ખાસ તો દીકરીઓ માટે સરકાર જે પ્રયત્ન કરે છે તે ખૂબ જ સરાહનીય છે. મને એમ હતું કે હું પણ મારી દીકરીઓને અભ્યાસ કરાવીશ પણ સંજોગો હતા નહીં.
હવે મારી દીકરીઓ અભ્યાસ કરી આગળ વધશે જૂનાગઢ જિલ્લાના શિક્ષકોએ પણ કોરોના કાળમાં કોઈ વિદ્યાર્થી અભ્યાસથી વંચિત ન રહે તેવા પ્રયાસો હાથ ધર્યાં છે. તેમને નેસના બાળકોને અભ્યાસ મળી રહે તેવો ઉમદા વિચાર આવ્યો હતો. ઑનલાઈન અભ્યાસ માટે મોબાઈલ કનેક્ટિવિટી ન મળે એટલે સી.આર.સી અને બી.આર.સી ના શિક્ષકોએ પોતાનું આર્થિક યોગદાન આપીને અહીં ટીવી અને ડીશ ફીટ કરાવ્યા છે.
જૂનાગઢ જિલ્લાના નવ નિયુક્ત શિક્ષણાધિકારને માલુમ પડ્યું હતું કે, વિસાવદર, ભેંસાણ અને મેંદરડા એવા ત્રણ તાલુકા છે, જે જંગલ વિસ્તારથી પ્રભાવિત છે. અહીં 40 જેટલા નેસ આવેલા છે. તેમાં 22 જેટલા નેસમાં માલધારીઓ વસવાટ કરે છે અને આ નેસમાં 309 જેટલા વિદ્યાર્થીઓ પરિવાર સાથે રહે છે. જેમાંથી 15 જેટલા નેસના બાળકો શાળા સાથે જોડાયેલા છે. સાત નેસ એવા છે કે જ્યાં બાળકોને બાલમિત્ર દ્વારા શિક્ષણ આપવામાં આવે છે હાલ કોરોના કાળને લીધે અહીં બાળકોને ઑનલાઈન અભ્યાસમાં તકલીફ પડી હતી. શિક્ષણ વિભાગનો એક અભિગમ હતો કે છેવાડાના બાળકોને પણ અભ્યાસ મળે. આથી નેસમાં ટીવી સેટ લગાવવામાં આવ્યો છે. આ પ્રયોગ ખૂબ સફળ રહ્યો છે.