ગુજરાતની 182 વિધાનસભા પૈકી 1 નંબરની બેઠક અબડાસા માં આગામી 3 જી નવેમ્બરની ચૂંટણી યોજાવાની છે અબડાસા ના મતદારોની તાસીર છે કે અહીં કોઈ ધારાસભ્ય રિપીટ નથી થતું ત્યારે ચૂંટણી માં કેવું રહેશે માહોલ તે અંગે વિટીવી નો વિશેશ અહેવાલ"બેઠક બોલે છે"
બેઠકની કુલ વસ્તી - 2,34,500 જેવી છે
બડાસા બેઠકની જ્ઞાતિ મુજબ મતદારો નોંધાયેલા
બેઠક પર કોંગ્રેસનો છે દબદબો
અબડાસા વિધાનસભા બેઠકના મતદારો સાથે પર છેલ્લા 10 વર્ષથી દ્રોહ થઈ રહ્યો છે મૂળભૂત પક્ષ પર ચૂંટાઈને આવ્યા બાદ ધારાસભ્ય રાજીનામુ આપી દેતા પેટા ચૂંટણીઓ યોજાતી આવી છે ત્યારે 2012, 2014 ,2017 અને હવે 2020 ની ચૂંટણી થતા મતદારો આક્રોશ સાથે મૂંઝવણ માં મુકાયા છે ત્યારે બેઠકની વિશેષતા એ છે કે અહીં જ્ઞાતિ મુજબ ચૂંટણી થતી આવી છે પરંપરાગત આ બેઠક પર કોંગ્રેસનો દબદબો રહ્યો છે કેમકે આ બેઠક પર પણ 45 ટકા લઘુમતી મતદારો છે અબડાસા બેઠકની જ્ઞાતિ મુજબ મતદારો નોંધાયેલા છે..
અબડાસા વિધાનસભા બેઠકની વિગતો
અબડાસા બેઠક પર કોંગ્રેસની વણથંભી વિજયયાત્રાને ૧૯૯૦માં ભાજપના તારાચંદભાઈ છેડાએ વિજય બની મારી હતી બ્રેક : ર૦૦ર અને ર૦૦૭ની સતત બે ચૂંટણીમાં આ બેઠક પર ભગવો લહેરાયા બાદ ર૦૧રથી પુનઃ કોંગ્રેસનો પંજો મજબૂત બન્યો છે ગુજરાત રાજ્યની પ્રથમ ક્રમાંકની અબડાસા વિધાનસભા બેઠકના ધારાસભ્ય પદેથી રાજ્યસભા ચૂંટણી પૂર્વે પ્રધ્યુમનસિંહ જાડેજાએ રાજીનામુ ધરી દિધુ હતું. જેના પગલે પેટા ચૂંટણીની નોબત સર્જાઈ છે. ચૂંટણીપંચ દ્વારા પેટા ચૂંટણીની તારીખ કરી દેવામાં આવી છે જેથી રાજકીય પક્ષો દ્વારા તૈયારીઓનો ધમધમાટ પુરજોશમાં આરંભી દેવામાં આવ્યો છે.
ર૦૧૪ની પેટા ચૂંટણીમાં પણ પક્ષપલટુને જાકારો
વૈશ્વિક મહામારી કોરોનાના પગલે આ વખતે ચૂંટણી દરમિયાન જાહેર સભાઓ ભૂતકાળ સમી બનશે પરંતુ રાજકીય, સામાજિક આગેવાનો સાથે અત્યારથી જ બેઠકો યોજી પાસાઓ ફેકવાનું શરૂ કરી દેવાયું છે. અબડાસા વિધાનસભા બેઠકના ઈતિહાસ પર દ્રષ્ટિ નાખીએ તો મતદારોનો જોક દાયકાઓથી કોંગ્રેસ તરફી જ રહ્યો છે. ર૦૧૪ની પેટા ચૂંટણીમાં પણ પક્ષપલટુને જાકારો આપી મતદારોએ પંજાને સાથ આપ્યો હતો. પુનઃ પેટાચૂંટણીની નોબત આવી છે ત્યારે ઈતિહાસનું પુનરાવર્તન થશે કે પછી નવા અધ્યાયનો પ્રારંભ તે સમય જ બતાવશે.
કોંગ્રેસના ગઢમાં કાંગરા ખરાવવા જ એક માત્ર વિકલ્પ
આ અંગેની વિગતે વાત કરીએ તો ગુજરાતની રાજ્યસભાની ચાર બેઠકો પૈકી ત્રણ બેઠકો ભાજપે ઉમેદવારો ઉતાર્યા હતા અને આ ત્રણેય ત્રણ ઉમેદવારો વિજય પ્રાપ્ત કરશે તેવો પ્રારંભથી મક્કમ વિશ્વાસ દર્શાવાયો હતો. ભાજપ પાસે ધારાસભ્યોના ઓછા સંખ્યા બળના લીધે ત્રીજી સીટ જીતવી મુશ્કેલ હતી, જેના લીધે કોંગ્રેસના ગઢમાં કાંગરા ખરાવવા જ એક માત્ર વિકલ્પ હોઈ એક પછી એક કોંગ્રેસના આઠ ધારાસભ્યોએ રાજીનામા આપી દીધા હતા. જેમાં અબડાસા બેઠકના કોંગ્રેસી ધારાસભ્ય પ્રધ્યુમનસિંહ જાડેજાનો સમાવેશ થાય છે.
કોંગ્રેસ પણ પક્ષપલટુઓને સબક શિખડાવવા માટે તૈયાર
રાજ્યસભાની ચૂંટણીઓ સંપન્ન થયા બાદ રાજીનામા ધરનારા કોંગ્રેસના આઠ ધારાસભ્યો પૈકી પ્રધ્યુમનસિંહ જાડેજા સહિતના પાંચ પૂર્વ ધારાસભ્યોએ કેસરિયો ખેસ પણ ધારણ કરી લીધો છે. ભાજપ દ્વારા આ પૂર્વ પાંચ ધારાસભ્યોને પેટાચૂંટણીની ટીકીટો આપવાનું પણ મન બનાવાઈ લેવાયું હોઈ તેઓની તરફેણ પ્રચાર પણ શરૂ કરી દેવાયો છે. બીજીતરફ કોંગ્રેસ પણ પક્ષપલટુઓને સબક શિખડાવવા માટે એડીચોટીનું જોર લગાવી રહી છે.
ગુજરાત રાજ્યની પ્રથમ ક્રમાંકની એવી કચ્છની અબડાસા બેઠક પર પણ પેટાચૂંટણી યોજાવાની છે ત્યારે આ હાઈ પ્રોફાઈલ બેઠકને લઈને રાજ્યભરના રાજકીય પંડીતોની નજર પણ તેના પર મંડરાઈ રહી છે. અબડાસા વિધાનસભા બેઠકની પેટાચૂંટણીને લઈને મુખ્ય બે રાજકીય પક્ષો એવા ભાજપ તેમજ કોંગ્રેસના ન માત્ર સ્થાનિક આગેવાનો તેમજ પ્રદેશ કક્ષાના મોભીઓએ પણ આ મત વિસ્તાર મતદારોને રિઝવવા પ્રવાસ શરૂ કરી દીધો છે. ત્યારે આ બેઠકના ભવ્ય ભૂતકાળ પર નજર નાખીએ તો તે પણ રસપ્રદ જણાઈ આવે છે.
બેઠકના ભવ્ય ભૂતકાળ પર નજર નાખીએ
૧૯૬રથી ર૦૧૭ વચ્ચે અબડાસા વિધાનસભા બેઠક પર પેટા ચૂંટણી સહિત કુલ ૧૪ ચૂંટણીઓ યોજાઈ છે. જેમાંથી ૧૦માં કોંગ્રેસનો વિજય થયો છે. જયારે ભાજપને ફાળે માત્ર ત્રણ જ જીત રહી છે. જયારે આ બેઠકની પ્રથમ વખત યોજાયેલી ચૂંટણી સ્વતંત્ર પક્ષનો વિજય થયો હતો. આ બેઠક પર કોંગ્રેસની સતત પાંચ ચૂંટણીઓની જીત રૂપી વિજયયાત્રાને ૧૯૯૦માં ભાજપના તારાચંદભાઈ છેડાએ વિજયી બની બ્રેક મારી હતી. તો આ બેઠક પર ભાજપનો ર૦૦ર અને ર૦૦૭ની સતત બે ચૂંટણીમાં ભગવો લહેરાયો હતો પરતુ ત્યારબાદ ર૦૧રથી પુનઃ કોંગ્રેસનો હાથ ઉપર રહ્યો છે. અબડાસા વિધાનસભા બેઠકના ઈતિહાસમાં બીજીવખત પેટા ચૂંટણીની નોબત આવી છે. પ્રથમ વખત ર૦૧૪માં કોંગ્રેસના ધારાસભ્ય પદેથી છબીલભાઈ પટેલે રાજીનામું આપી પક્ષ પલટો કરી ભાજપની ટીકીટ પરથી ચૂંટણી લડી હતી, જેમની સામે કોંગ્રેસે રાષ્ટ્રીય કક્ષાના નેતા એવા શક્તિસિંહ ગોહિલને મેદાને ઉતાર્યા હતા. ચૂંટણીમાં શક્તિસિંહ ગોહિલનો ભવ્ય વિજય થયો હતો.
નવા અધ્યાયનો પ્રારંભ કરશે તે જોવું રોચક
ર૦ર૦ પુનઃ કોંગ્રેસના ધારાસભ્ય એવા પ્રધ્યુમનસિંહ જાડેજાએ રાજીનામુ ધરી દઈ કેસરિયો કર્યો છે ત્યારે ભાજપે તેમને જ ટીકીટ આપવાનું મન બનાવ્યું છે. બીજીતરફ કોંગ્રેસમાંથી કોણ ઉમેદવારો હશે તે આગામી દિવસોમાં ખબર પડશે. જો કે વર્તમાને ફરી ભાજપે ર૦૧૪નું પુનરાવર્તન કરવાનું મન બનાવ્યું છે ત્યારે અબડાસાના બેઠકના મતદારો પણ ર૦૧૪ મુજબ જ પક્ષપલટુને જાકારો આપશે કે પછી નવા અધ્યાયનો પ્રારંભ કરશે તે જોવું રોચક બની રહેશે.
અબડાસા બેઠક પર ચૂંટાયેલા ધારાસભ્યોની વિગત
1962 થી 2020 સુધી ચૂંટાયલ ધારાસભ્યો
વર્ષ 1962.માધવસિંહજી (પક્ષ સ્વતંત્ર)
વર્ષ .1967 .પીબી ઠક્કર ( કોંગ્રેસ)
વર્ષ .1972. ખીમજી નાગજી (કોંગ્રેસ)
વર્ષ .1975. ઠક્કર મહેશકુમાર હરજીવન (કોંગ્રેસ)
વર્ષ .1980.ખરા શકર વિઠલદાસ જોષી. (કોંગ્રેસ)
વર્ષ .1985 કનુભા માધુભા જાડેજા (કોંગ્રેસ)
વર્ષ 1990. તારાચંદ જગશી છેડા .(ભાજપ)
વર્ષ 1995. ડો.નિમાબેન આચાર્ય (કોંગ્રેસ)
નોંધ.... જે હાલ ભુજ ભાજપ ના ધારાસભ્ય છે
વર્ષ . 1998 .ઇબ્રાહિમ ઈશાક મંધરા. (કોંગ્રેસ)
વર્ષ 2002. નરેન્દ્રસિંહ મધવજીસિંહ (ભાજપ)
વર્ષ 2007.જયતીલાલ પી ભાનુશાલી (ભાજપ)
નોંધ.. જેમનું 1વર્ષ પહેલાં ચાલુ ટ્રેન માં હત્યા કરાઈ