મહિલાઓમાં અપાર શક્તિ હોય છે. માત્ર તેમને પૂરવાર કરવાની તક મળવી જોઈએ. બસ આવી જ એક તક ગુજરાતના તાપી જિલ્લાના આદિવાસી વિસ્તારમાં મળી. તાપી જિલ્લાની એક મહિલા જૂથ દ્વારા પોતીકી સહકારી બેન્ક 1999 બનાવી છે, જે આજે જિલ્લામાં કરોડપતિ બેન્ક તરીકે પ્રસ્થાપિત થઇ છે ,જે તેના સભ્યોની બચતની સાથે જરૂરિયાતમંદ સભ્યો માટે એક ખરી સખી સ્વરૂપ સાબિત થઈ રહી છે.
આદિવાસી મહિલાઓની કરોડપતિ બેંક
મહિલાઓ ચલાવે છે આ બેંક
તાપીના માંડળની કરોડપતિ બેંક
તાપી જિલ્લાની એક મહિલા જૂથ દ્વારા પોતીકી સહકારી બેન્ક 1999 બનાવી છે, જે આજે જિલ્લામાં કરોડપતિ બેન્ક તરીકે પ્રસ્થાપિત થઇ છે ,જે તેના સભ્યોની બચતની સાથે જરૂરિયાતમંદ સભ્યો માટે એક ખરી સખી સાબિત થઈ રહી છે.
સોનગઢ તાલુકાના માંડળ ગામે આવેલ આદિવાસી મહિલાઓ દ્વારા સંચાલિત સહકારી બેન્ક એક આદર્શ બેંકની સાથે કરોડપતિ બેન્ક તરીકેની છાપ ઉભી કરી રહી છે, આ બેંકનું ભંડોળ દિન પ્રતિદિન વધી કરોડો રૂપિયા થઈ ગયું છે, નવાઈની વાત તો એ છે કે આ બેંકના ખાતેદારો થી લઈને તેના કર્તાહર્તા ,સ્ટાફ મહિલાઓ છે.
આ બેન્ક તેમના ખાતેદારોને સારું વ્યાજ આપવાની સાથે જરૂરિયાત સમયે લોન ધિરાણ કરી પગભર કરવા મદદરૂપ થઇ રહી છે..સાથે આ બેન્કની મહિલા સભાસદો ને જરૂરિયાત સમયે લોન ધિરાણ મેળવીને પોતાના બાળકોને સારું શિક્ષણ ની પણ આપી રહી છે અને પોતાના કુટુંબનું જીવન ધોરણ પણ ઉપર આવ્યું છે સાથે અહીંની આદિવાસી મહિલા પહેલા ઘરકામ કે મજૂરી પર નિર્ભર હતી પરંતુ આ મહિલા બેન્ક થકી પોતાની બચત કરીને અહીંની આદિવસી મહિલા હવે આગળ વધી રહી છે ,હજુ સુધી આ મહિલા બેન્કના 3470 સભાસદો છે, જે સોનગઢના 35 ગામોના છે અને બેંકનું ભંડોળ 4 કરોડ થી વધુ છે.
બેંકની બિલ્ડીંગ પર હંગાતી લખેલ છે, જેનો અર્થ સહેલી પણ થાય છે, જે ખરેખર છેલ્લા 21 વર્ષથી તેમના સભ્યોની ખરી સહેલી સાબિત થઈ રહી છે...સંપૂર્ણ આદિવાસી મહિલાઓ સંચાલિત અને આદિવાસી મહિલા સભાસદો ધરાવતી આ સહકારી બેન્ક તેની વિશ્વસનીયતા ને કારણે જિલ્લાની કરોડપતિ બેન્ક બની છે..જેનો ગર્વ તેના દરેક સભ્યોને છે