VExpo / વાલીઓ અને વિદ્યાર્થીઓ માટે સૌથી મોટી તક : લૉકડાઉનમાં ઘરે બેઠાં કારકિર્દી અને નવા કોર્સની માહિતી

કોરોના વાયરસ મહામારીને કારણે રોજબરોજનું જીવન અટકી પડ્યું છે. એવામાં જીવનના અતિમહત્વના તબક્કાઓમાં લેવાતા નિર્ણયોમાં ચૂક થઇ જાય તેવી પરિસ્થિતિ આવીને ઉભી છે. એવો જ એક મહત્વનો પડાવ શિક્ષણ અને કારકિર્દીનો છે. આ અંગે તમારા પોતાની અથવા તમારા સંતાનની કારકિર્દી સારી બને, તે સારી સંસ્થાઓ પાસેથી શિક્ષણ મેળવે અને કઈ સંસ્થા શિક્ષણના કોર્ષમાં શું ભણાવે છે તેની વિસ્તૃત માહિતી તમે ઘરે બેઠા એક ક્લિક ઉપર જોઈ શકો તે માટે VTV Gujarati આજના ન્યૂ નોર્મલ અને લૉકડાઉનમાં એક નવીન પ્રયોગ લઇને આવ્યું છે. આ અંતર્ગત તમે અલગ અલગ શૈક્ષણિક સંસ્થાઓનો VExpo (વર્ચ્યુઅલ ઍક્સ્પો)નો અનુભવ કરી શકશો. જેની માટે VTV Gujaratiની વેબસાઈટ ઉપર જોઈ શકશો જેથી તમે કઈ સંસ્થા સાથે જોડાશો તેનો નિર્ણય વધુ સારું રીતે લઇ શકશો.

શું છે આ VExpo (વર્ચ્યુઅલ ઍક્સ્પો) 

ગુજરાતી મીડિયાના ઈતિહાસમાં પહેલવહેલી વખત યોજાઈ રહેલા આ વિશિષ્ટ વર્કશોપનો મૂળ હેતુ એ છે કે તમે જે તે શૈક્ષણિક સંસ્થા સાથે જોડાવા માંગો છો તેની વિસ્તૃત માહિતી એક જ પ્લેટફોર્મ એટલે કે VTV Gujaratiની વેબસાઈટ ઉપર જોઈ શકો અને બીજી સંસ્થાઓની માહિતી સાથે તેને તરત સરખાવી શકો. આ માટે VExpo એજ્યુકેશન એક્સ્પોમાં ડિજિટલ સ્ટોલ લગાવવામાં આવ્યા હશે જેની એક ક્લિકથી તમને જે તે સંસ્થા તેના શૈક્ષણિક કાર્યક્રમમાં શું ઓફર કરે છે, શું કોર્ષ છે, શું અવધિ છે, ક્લાસરૂમ કેવા છે વગેરે જેવી માહિતી લખાણ, ફોટા અને વીડિયો સહિત તમારા સુધી પહોંચાડશે. 

કઈ તારીખે આ VExpo (વર્ચ્યુઅલ ઍક્સ્પો) થવા જઈ રહ્યો છે?

આ વર્ચ્યુઅલ ઍક્સ્પો 7-8-9 ઓગસ્ટના રોજ થવા જઈ રહ્યો છે. ઘરની બહાર તો નીકળવાના નથી તો પછી આ ઍક્સ્પોને મિસ કરવાનો તમારી પાસે ઑપ્શન બચતો નથી!

ક્યાં યોજાઈ રહ્યો છે આ ઍક્સ્પો

અત્યારના કોરોના કાળમાં ઘરમાં જ રહીને તમે તમારા મોબાઈલ કે કમ્પ્યુટરની સ્ક્રીન ઉપર એક ક્લિકમાં આ માહિતી મેળવી શકો તે માટે આ વર્ચ્યુઅલ એક્સ્પો VTV Gujaratiની વેબસાઈટ ઉપર યોજાવા જઈ રહ્યો છે. તમે આ લિંક ઉપર ક્લિક કરીને આ એક્સ્પોમાં કોઈ નોંધણી કે કોઈ ચાર્જ વગર મફતમાં જોડાઈ શકો છો.

https://www.vtvgujarati.com/v-education-expo2020

કોણે અટેન્ડ કરવો જોઈએ આ વર્ચ્યુઅલ ઍક્સ્પો?

વાલીઓ અને વિદ્યાર્થીઓએ ચોક્કસથી અટેન્ડ કરવો જરૂરી. જો તમે વિદ્યાર્થી છો અને ખાસ કરીને જ્યારે તમે એવા ફેઝમાં છો જ્યાં તમારે પોતાના ભવિષ્યના કરિયર માટે યોગ્ય કોર્સ કે સ્ટ્રીમ પસંદ કરવાની મૂંઝવણ છે તો તમારા તમામ સવાલોનો જવાબ અહીં મળી જશે.  બીજું વાલીઓ કે જેમના સંતાનો સ્કૂલમાં કે કોલેજમાં એડમિશન લેવા જઈ રહ્યાં છે તો આ તબક્કે તે કઈ શૈક્ષણિક સંસ્થાની પસંદગી ઉતારે છે તે ખૂબ મહત્વનું છે. આથી એક વાલી તરીકે અથવા એક શિક્ષણના ઈચ્છુક તરીકે અથવા અન્ય કોઈ પણ સગા સંબંધીને શિક્ષણને લગતું સાચું માર્ગદર્શન આપવા માટે આ વર્ચ્યુઅલ ઍક્સ્પો અટેન્ડ કરવો જરૂરી બને છે.  

શા માટે આ અટેન્ડ કરવો જોઈએ?

આવો વર્ચ્યુઅલ અનુભવ અને માર્ગદર્શન ઘેર બેઠાં ક્યાંય નહીં મળે. આ VExpoમાં દેશની નામાંકિત શૈક્ષણિક સંસ્થાઓ જેવી કે પારુલ યુનિવર્સિટી, ખ્યાતિ ફાઉન્ડેશન, પનાશ એકેડમી, બાબા સાહેબ આંબેડકર ઓપન યુનિવર્સિટી જેવી ખ્યાતનામ શૈક્ષણિક સંસ્થાઓ અને SBI પણ જોડાયેલી છે. આ પૈકી તમારા માટે કઈ સંસ્થા સૌથી યોગ્ય છે જે તમને અથવા તમારા સંતાનને ભવિષ્યમાં કારકિર્દી માટે, નોકરી ઉદ્યોગ સંદર્ભે સૌથી વધુ મદદ કરે, માર્ગદર્શન આપે અને નાણા રળવાની સૌથી વધુ તકો આપે તેની માહિતી તમે અહીં જાણી શકશો. તેમનો સીધો સંપર્ક કેવી રીતે કરવો તે માહિતી પણ તમને મળી જશે. 

આટલું જ નથી

આ ઉપરાંત તમને સ્ટડી લોન અને એજ્યુકેશન લોન કેવી રીતે મેળવવી તેની માહિતી સ્ટેટ બેંક ઓફ ઇન્ડિયા જેવી પ્રતિષ્ઠિત બેંક પાસેથી મળી રહેશે. આમ શિક્ષણના એક ફૂલ પેકેજની જેમ આ VExpo તમારા અથવા તમારા સંતાનના ઉજ્વળ ભવિષ્ય માટે તમને માર્ગદર્શન આપશે.