રાજ્યમાં લોકસભાની ચૂંટણી હવે માથા પર આવી ગઇ છે. ત્યારે બધા પક્ષો પોતપોતાની રીતે મત મેળવવાના પ્રયાસ કરી રહ્યા છે. દક્ષિણ ગુજરાતની ત્રણ બેઠકો બારડોલી, સુરત અને નવસારી પર VTV દ્વારા વિશ્લેષણ કરવામાં આવ્યુ છે.
લોકસભાની ચૂંટણીને લઈને દક્ષિણ ગુજરાતની ત્રણ બેઠકો પર VTV દ્વારા વિશ્લેષણ કરવામાં આવ્યુ છે. દક્ષિણ ગુજરાતની બારડોલી, સુરત, નવસારી બેઠક પર વિશ્લેષણ કરાયુ છે. આ ત્રણેય બેઠકો પર જીત મેળવવા માટે ભાજપ અને કોંગ્રેસ બન્નેના ઉમેદવાર જોર લગાવી રહ્યા છે.
બારડોલી બેઠક પર પ્રભુ વસાવા-તુષાર ચૌધરી વચ્ચે મુકાબલો જોવા મળશે. સુરત બેઠક પર દર્શના જરદોશ-અશોક અધેવડા અને નવસારી બેઠક પર સીઆર પાટીલ-ધર્મેશ પટેલ વચ્ચે જંગ જામશે. આ ત્રણેય બેઠકો પર ભાજપ અને કોંગ્રેસ વચ્ચે 50-50 ટકા જીતના ચાન્સ છે.
સુરતની લોકસભા બેઠક પર કોંગ્રેસ નબળી સ્થિતિમાં છે. આ બેઠક પર ભાજપ મજબૂતાઈ ધરાવે છે. શહેરમાં નોટબંધી, GST, શહેરી વિસ્તારોનો વિકાસ, માળખાગત સવલતો મુખ્ય મુદ્દો છે અને બુલેટ ટ્રેન, સહિત અનેક પ્રોજેકટમાં જમીન સંપાદન સૌથી મોટો મુદ્દો છે. આ બેઠકો પર કોંગ્રેસનુ નબળું સંગઠન ભાજપની જીતનું કારણ સાબિત થઈ શકે છે.