આજે લોકસભાની ચૂંટણીના ચોથા તબક્કાનું મતદાન યોજાશે. ચોથા તબક્કામાં 9 રાજ્યોની 71 બેઠકો પર મતદાન યોજાશે. જેમાં બિહારની 5, જમ્મૂ કશ્મીરની 1, ઝારખંડની 3, મધ્યપ્રદેશ અને ઓડિશાની 6-6 બેઠક પર મતદાન યોજાશે.
તો મહારાષ્ટ્રની 17, ઉત્તરપ્રદેશની અને રાજસ્થાનની 13-13 બેઠક પર મતદાન યોજાશે. આજના મતદાનની હાઇપ્રોફાઇલ બેઠકોની વાત કરવામાં આવે તો, કનૌજ બેઠક પરથી ડિમ્પલ યાદવ, ઉન્નાવથી સાક્ષી મહારાજ, ફર્રુખાબાદથી સલમાન ખુર્શીદ, કાનપુરથી શ્રીપ્રકાશ જયસ્વાલ, જોધપુરથી વૈભવ ગેહલોત અને તેની સામે ગજેન્દ્રસિંહ શેખાવત મેદાને છે.
તો આ તબક્કાની સૌથી વધુ ચર્ચિત એવી બેગુસરાય બેઠક પરથી કનૈયા કુમાર અને ગિરિરાજસિંહ વચ્ચે મુકાબલો છે. તો છિંદવાડાથી નકુલ નાથ, કેન્દ્રપાડાથી બેજયંત પાંડા, મુંબઈ ઉત્તરથી ઉર્મિલા માર્તોંડકર અને તેની સામે ગોપાલ શેટ્ટી વચ્ચે જંગ છે.
તો મુંબઇ ઉત્તર-પશ્ચિમ પરથી સંજય નિરૂપમ, મુંબઇ ઉત્તર-પૂર્વ પર મનોજ કોટક ચૂંટણી લડી રહ્યા છે. આ ઉપરાંત મુંબઇ ઉત્તર-મધ્ય બેઠક પર પ્રિયા દત્ત અને પુનમ મહાજન વચ્ચે જંગે છે. તો મુંબઇ દક્ષિણ બેઠક પરથી કોંગ્રેસે બહુચર્ચિત મિલિન્દ દેઓરાને મેદાને ઉતાર્યા છે.