જૂનાગઢમાં મહાનગરપાલિકાની ચૂંટણી યોજાઈ છે. મહાનગરપાલિકાની 14 વોર્ડની 56 બેઠકો માટે મતદાનનું આયોજન કરવામાં આવ્યુ છે. મનપાની ચૂંટણીમાં કુલ 159 ઉમેદવારો મેદાને છે.
આ ચૂંટણીમાં ભાજપ, કોંગ્રેસ અને NCP વચ્ચે ત્રિકોણીય જંગ જોવા મળશે. મનપાની ચૂંટણીમાં ભાજપના 56 ઉમેદવાર, કોંગ્રેસના 52, NCPના 25, અપક્ષના 25 અને CPI(M)ના 3 ઉમેદવાર મેદાને છે. જિલ્લાના 2 લાખ 38 હજાર 116 મતદારો મતદાન કરશે. મહાનગરપાલિકાની 15 બેઠકમાંથી એક બેઠક બિનહરીફ જાહેર થઈ છે. વોર્ડ નંબર-3ના ભાજપના ત્રણ ઉમેદવાર બિનહરીફ જાહેર થતા ચૂંટણી યોજાઈ નથી.
ક્યારે કોની થઈ જીત?
2004માં જૂનાગઢમાં પ્રથમ વખત ચૂંટણી યોજાઈ હતી. જેમાં 51 બેઠક પર મતદાન થયુ હતુ. જેમાં 36 ઉમેદવારોએ જીત મેળવીને ભાજપ સત્તા પર આવી હતી. જ્યારે કોંગ્રેસના 14 અને અન્યના 1 ઉમેદવારની જીત થઈ હતી.
જ્યારે બીજી વખત ચૂંટણી 2009માં થઈ હતી. 2009માં પણ 51 બેઠક પર મતદાન થયુ હતુ. જેમાં કોંગ્રેસે 26 બેઠકો પર જીત મેળવીને સત્તા બનાવી હતી. જ્યારે ભાજપના 21 અને અન્યના 4 ઉમેદવારોની જીત થઈ હતી.
ત્રીજી વખત જૂનાગઢમાં મનપાની ચૂંટણી 2014માં યોજાઈ હતી. 2014માં ત્રીજી વખત 60 બેઠકો પર મતદાન થયુ હતુ. જેમાં ભાજપે 41 બેઠકો પર જીત મેળવીને સત્તા બનાવી હતી. જ્યારે કોંગ્રેસના 15 અને અન્યના 3 ઉમેદવારોની જીત થઈ હતી.