લોકસભા ચૂંટણી 2019ના બીજા તબક્કાનું આજે 11 રાજ્યોની 95 સીટો પર વોટિંગ ચાલી રહ્યું છે. બીજા તબક્કામાં પશ્ચિમ બંગાળની પણ 3 સીટો પર વોટિંગ ચાલી રહ્યું છે. બંગાળના જલપાઇગુડી, દાર્જીલિંગ, અને રાયગંજ સીટ પર મતદાન થઇ રહ્યું છે. વોટિંગ દરમ્યાન રાયગંજથી હિંસાના સમાચાર આવ્યા છે. રાયગંજના ચોપરાની બુથ સંખ્યા 159 પર હોબાળો થયો છે. અહીં ભાજપ કાર્યકર્તાઓનો આરોપ છે કે ટીએમસી કાર્યકર્તાઓએ મહિલાઓને વોટ આપતા રોકયા. ત્યારબાદ ભડકેલા લોકોએ હાઇવે જામ કરી દીધો. પોલીસે હાઇવે ખોલવા માટે ભીડ પર લાઠીચાર્જ કર્યો અને ટીયરગેસ છોડ્યા.
WB: BJP General Secy&candidate from Raiganj constituency Debasree Chaudhuri alleges TMC workers were trying to capture booth at Raiganj Coronation High School. Says "TMC workers were trying to capture booth. They were campaigning among Muslims there. This isn't election campaign" pic.twitter.com/BxQ19MoTxP
દેશમાં લોકસભાની ચૂંટણી વચ્ચે પશ્ચિમ બંગાળમાં હિંસાના સામાચાર સામે આવ્યા છે. એક તરફ મતદાન ચાલી રહ્યું છે તો બીજી તરફ, પશ્ચિમ બંગાળમાં ટીએમસી અને ભાજપના કાર્યકર્તાઓ આમને સામને આવી જતા પરિસ્થિતિ વણસી હતી.
WB: Security personnel lob tear gas shells and lathi charge locals as they block NH-34 in protest after unknown miscreants allegedly prevented them from casting their votes at Digirpar polling booth in Chopra, in Islampur subdivision of North Dinajpur. #LokSabhaElections2019pic.twitter.com/XukT8B8Aol
પશ્ચિમ બંગાળના રાયગંજમાં એક પોલિંગ બૂથ પર ટીએમસીએ આરોપ લગાવ્યો કે, રાયગંજમાં માત્ર મહિલાઓ માટે બનાવવામાં આવેલા પોલિંગ બૂથ પર ભાજપે પૂરૂષ પોલિંગ એજન્ટ કેમ બેસાડ્યા. આ વાતને લઈને ટીએમસીના કાર્યકર્તાઓ હોબાળો મચાવ્યો.
તો ભાજપે ટીએમસી પર બૂથ કેપ્ચરિંગનો આરોપ લગાવ્યો, જે બાદ બંને પક્ષના કાર્યકર્તાઓ આમને સામને આવી જતા સુરક્ષાબળને બળપ્રયોગ કરવાની જરૂર પડી. સુરક્ષાબળના જવાનોએ પરિસ્થિતિ પર કાબૂ મેળવવા માટે ટોળા પર લાઠીચાર્જ કર્યો. એટલું જ નહીં ટોળુ ના વિખેરાતા સુરક્ષાબળના જવાનોએ ટીયરગેસના સેલ પણ છોડ્યા.
આપને જણાવી દઇએ કે પશ્ચિમ બંગાળની 3 સીટો પર કેટલાંક વિસ્તારોમાં સુરક્ષાની દ્રષ્ટિથી સંવેદનશીલ ક્ષેત્રોને જોતા સુરક્ષાબળોની 194 કંપનીઓ તૈનાત કરાઈ છે.