કર્ણાટકમાંથી શરૂ થયેલો વિવાદની અસર હવે તમિલનાડૂના શહેરી સ્થાનિક સ્વરાજની ચૂંટણીમાં પણ પડી રહી છે. આજે સમગ્ર તમિલનાડૂમાં મનપાની ચૂંટણી થઈ રહી છે.
હિજાબ વિવાદ ચૂંટણીમાં પહોચ્યો
ભાજપના એજન્ટે મહિલાને હિજાબ ઉતારવા કહ્યું
બૂથ પર હોબાળો મચી ગયો
કર્ણાટકમાંથી શરૂ થયેલો વિવાદની અસર હવે તમિલનાડૂના શહેરી સ્થાનિક સ્વરાજની ચૂંટણીમાં પણ પડી રહી છે. આજે સમગ્ર તમિલનાડૂમાં મનપાની ચૂંટણી થઈ રહી છે. આ દરમિયાન મદુરાઈમાં એક ભાજપ બૂથ એજન્ટે મતદાન કરીને આવી રહેલી મુસ્લિમ મહિલાઓને હિજાબ હટાવાની માગ કરી હતી. ત્યાર બાદ બૂથ પર હોબાળો મચી ગયો અને વિરોધી પાર્ટીઓને એજન્ટો બૂથ પાસેથી તેમને હટાવાની માગ શરૂ કરી દીધી હતી. ઘણી વાર સુધી ચાલી રહેલા હોબાળા બાદ એજન્ટને બૂથ પરથી હટાવી દેવામાં આવ્યો અને જેમ તેમ કરીને મતદાન શરૂ કરવામાં આવ્યું.
ભાજપના બૂથ એજન્ટની દાદાગીરી
આ મામલો મદુરાઈના મેલૂરમાં આવેલા અલ અમીન સ્કૂલ મતદાન કેન્દ્રનો છે. અહીં સ્થાનિક સ્વરાજની ચૂંટણી અંતર્ગત વોર્ડ નંબર 8માં મતદાન ચાલી રહ્યુ હતું. આ દરમિયાન ભાજપના બૂથ એજન્ટ ગિરિરાજને મુસ્લિમ મહિલાઓને હિજાબ હટાવાની માગ કરી હતી. જે બાદ મતદાન કેન્દ્ર પર હોબાળો થઈ ગયો હતો. અને ઘણી વાર સુધી મતદાન અટકાવી દેવું પડ્યું હતું. ગિરિરાજનનું કહેવું છે કે, તેમના હિજાબ પહેરવાથી મતદાનમાં મોડુ થઈ રહ્યું હતું.
#TamilNadu Urban Local Body Poll |A BJP booth committee member objected to a woman voter who arrived at a polling booth in Madurai while wearing a hijab;he asked her to take it off. DMK, AIADMK members objected to him following which Police intervened. He was asked to leave booth pic.twitter.com/UEDAG5J0eH
તો વળી DMK અને AIADMK સહિત કેટલીય પાર્ટીઓના એજન્ટો અને અધિકારીઓએ ગિરિરાજનને મતદાન કેન્દ્રોથી હટાવાની માગ કરી હતી. ત્યાર બાદ અલ અમીન સ્કૂલમાં મતદાન કેન્દ્ર પર થોડી વાર સુધી તણાવપૂર્ણ સ્થિતી રહી હતી. ગિરિરાજને આ દરમિયાન કહ્યું કે, હિજાબથી મહિલાઓના ચહેરાની ઓળખાણ થઈ શકતી નથી. જો કે, બાદમાં ગિરિરાજને બૂથ પરથી હટાવી દેવામાં આવ્યો અને મતદાન શરૂ થઈ હતું. પોલીસે આ વિસ્તારમાં સુરક્ષા વધારી દીધી છે.