મતદારોનો મિજાજ / ગુજરાતની આ સાત બેઠકોના મતદારો અપનાવે છે 'રાજસ્થાન પેટર્ન', ટ્રેન્ડના કારણે BJP-કોંગ્રેસના MLA મૂંઝવણમાં 

• ગુજરાતની 7 વિધાનસભા બેઠકો દર વર્ષે અપનાવે છે 'રાજસ્થાન પેટર્ન' 
• મતદારો દર વર્ષે રાજસ્થાનની પેટર્ન એટલે કે દર વર્ષે સત્તા પરિવર્તન કરે છે 
• આ બેઠકો ઉપર છેલ્લા 24 વર્ષમાં યોજાયેલી ચૂંટણીમાં રાજસ્થાન પેટર્ન જોવા મળી 

ગુજરાતમાં વિધાનસભાની ચૂંટણીના પડઘમ વાગી રહ્યા છે ત્યારે હવે આજે આપણે વાત કરીશું રાજ્યની એવી બેઠકો વિશે કે જ્યાં દર વર્ષે મતદારો પરિવર્તન કરે છે. ગુજરાતની 182 વિધાનસભા બેઠકો પૈકી 7 બેઠકો એવી છે કે ત્યાંના મતદારો દર વર્ષે રાજસ્થાનની પેટર્ન એટલે કે દર વર્ષે સત્તા પરિવર્તન કરે છે. આ મતદારો દરેક ટર્મમાં નવા જ ધારાસભ્યો ચૂંટે છે. 
  
ગુજરાતની 7 વિધાનસભા બેઠકો દર વર્ષે અપનાવે છે 'રાજસ્થાન પેટર્ન' 

રાજ્યની 7 વિધાનસભા બેઠકો એવી છે કે જ્યાં દર વર્ષે મતદારો નવા જ ધારાસભ્યો ચૂંટે છે. આ બેઠકોમાં કડી, કાંકરેજ, લુણાવાડા, ચોટીલા, ઉમરેઠ, જામ જોધપુર અને પાદરાનો સમાવેશ થાય છે. મહત્વનું છે કે, આ બેઠકો ઉપર છેલ્લા 24 વર્ષમાં યોજાયેલી ચૂંટણીમાં રાજસ્થાન પેટર્ન જોવા મળી છે. 

જાણો 2017ની ચૂંટણીમાં શું થયું હતું ? 

વર્ષ 2017 ની વિધાનસભા ચૂંટણીમાં કડી, કાંકરેજ અને ઉમરેઠ બેઠક ઉપર ભાજપના ઉમેદવારની જીત થઈ હતી. તો જામજોધપુર, ચોટીલા અને પાદરા બેઠક ઉપર કોંગ્રેસની જીત થઈ હતી. આ સાથે લુણાવાડા બેઠક પર અપક્ષ ઉમેદવારનો વિજય થયો હતો.  

મહત્વનું છે કે, આ વર્ષે વિધાનસભાની ચૂંટણીમાં અનેક ધારાસભ્યોના પત્તા કપાયા છે. પરંતુ ગુજરાતની આ કડી, કાંકરેજ, લુણાવાડા, ચોટીલા, ઉમરેઠ, જામ જોધપુર અને પાદરા બેઠક પરના BJP-કોંગ્રેસ અને અપક્ષના ધારાસભ્ય હવે મૂંઝવણમાં મુકાયા છે.