રાજકારણ / ભાજપનું ઋણ ચૂકવવા અમને વોટ આપજો: સેલવાસમાં પાટીલે જુઓ જનતાને કયુ ઋણ ચૂકવવા ટકોર કરી

• દાદરા નગર હવેલીની પેટાચૂંટણીનો સંગ્રામ
• સેલવાસમાં સી આર પાટીલના નિવેદનથી રાજકીય ભૂકંપ
• કોરોનામાં મફત રસી આપી, હવે ભાજપને મત આપી ઋણ ચૂકવજો

ગુજરાતના  પડોશમાં આવેલી સંઘપ્રદેશ દાદરા નગર હવેલી લોકસભા બેઠકની પેટાચૂંટણી યોજાઇ રહી છે. દાદરા નગર હવેલીના પૂર્વ સાંસદ મોહન ડેલકર એ મુંબઈની એક હોટેલમાં આપઘાત કરી લેતા તેમના અપમૃત્યુના કારણે ખાલી પડેલી પર 30 ઓક્ટોબર ના રોજ પેટાચૂંટણી યોજાનાર છે. ત્યારે ભાજપ શિવસેના અને કોંગ્રેસમાં ત્રીપાંખીયો જંગ જોવા મળી રહ્યો છે. ત્યારે આજે ભાજપના પ્રદેશ અધ્યક્ષ  સી આર પાટીલ દાદરા નગર હવેલીમાં પેટાચૂંટણીના પ્રચાર માટે ધામા નાખ્યા છે. ત્યાં પાટીલે મોટું નિવેદન આપતા કહ્યું હતું કે સમયસર સરકારે કોરોના રસી આપી લોકોના જીવ બચાવ્યા છે. ઋણ ચૂકવવા હવે ભાજપને મત આપવાનો વારો તમારો છે.

મહારાષ્ટ્રીયન સમાજને સંબોધતા સી આર પાટીલે આપ્યું મોટું નિવેદન
દાદરા નગર હવેલીના સેલવાસમાં સી પાટીલ લોકસભાની પેટાચૂંટણીના પ્રચાર અર્થે મહારાષ્ટ્રીયન સમાજને સંબોધી રહ્યા હતા. તે વખતે તેમણે કોરોનાની કામગીરીને યાદ કરી કહ્યું હતું કે સમયસર અને મફત રસીને કારણે કોરોનાને આપણે કોરોનાથી બચી રહ્યા છીએ, તો હવે એ સમય આવી ચૂક્યો છે જ્યારે સરકારનું ઋણ ચૂકવવું પડશે. અને ભાજપને વોટ આપી ચૂકવી શકો છો. સી આર પાટીલના આ નિવેદન બાદ રાજકારણ ગરમાયું છે. મુખ્ય ત્રણેય પક્ષો હાલ તો જીતનો તાલ ઠોકી રહ્યા છે. ત્યારે પાટીલનું આ નિવેદન ભાજપને  દાદરા નગર હવેલીમાં તારશે તે જોવું રહ્યું.

ભાજપ ઉમેદવાર મહેશ ગાવિત માટે ખરાખરીનો જંગ
ભાજપ માટે પણ  ઉમેદવાર નક્કી કરવું એક પડકાર હતો ત્યારે અંતે છેલ્લી ઘડી એ ભાજપે  મહેશ ગાવિતને ચૂંટણી મેદાન માં ઉતાર્યા છે. મહેશ ગાવિત સંઘપ્રદેશ દાદરા નગર હવેલી ના મહારાષ્ટ્રની હદ પર આવેલા સૌથી છેલ્લા ગામ કૌચા  ગામના છે. 44 વર્ષીય મહેશ ગાવીત બી. એ. ફર્સ્ટ ક્લાસ પાસ છે. તેઓએ 14 વર્ષ સુધી ઇન્ડિયન રિઝર્વ પોલીસ ફોર્સ માં  ઇન્સ્પેક્ટર તરીકે સેવા બજાવી હતી . જો કે વર્ષ 2014 માં તેઓએ પોલીસ ની  નોકરી છોડી અને રાજકીય સફર ની શરૂઆત કરી હતી. આથી તેઓ પાંચ વર્ષ સુધી દાદરા  નગર હવેલી જિલ્લા પંચાયતના ઉપાધ્યક્ષ તરીકે પણ જવાબદારી નિભાવી હતી .આમ ભાજપે આ વખતે પેટા ચૂંટણીમાં શિક્ષિત અને યુવા ચહેરા તરીકે મહેશ ગાવીત ને ટિકિટ આપી અને ચૂંટણી જંગમાં ઉતારતા હવે સત્તાનો સંગ્રામ રસપ્રદ બન્યો છે.

કલાબેન ડેલકર શિવસેનાનો ઝંડો પકડી ચુંટણી લડી રહ્યા છે.
ડેલકર પરિવાર દ્વારા ચૂંટણી ને લઈને તૈયારીઓ પહેલે થી જ કરી દેવામાં આવી હતી..અગાઉ મોહન ડેલકર ના પુત્ર અભિનવ ડેલકર આ ચૂંટણી લડશે તેવી  માહિતી બહાર આવી હતી ..જોકે  અંતિમ દિવસે  ડેલકર પરિવારે અપક્ષ ચૂંટણી લડવા ને બદલે  શિવસેના નો સાથ લીધો છે ..ડેલકર પરિવાર ને  મહારાષ્ટ્ર ના મુખ્યમંત્રી  ઉદ્ધવ ઠાકરે એ શિવસેના માં આવકાર્યા હતા ..જેથી ડેલકર પરિવારે અભિનવ ને બદલે અંતિમ  ઘડીએ  મોહન ભાઈ ના પત્ની કલાબેન ડેલકર ને  ચૂંટણી જંગ માં ઉતારતા  રાજકારણ માં ભૂકંપ સર્જ્યો હતો .. શિવસેના ના જોડાઈ ને સાંસદ મોહન ડેલકર ના ધર્મપત્ની કલાબેન ડેલકર દ્વારા શિવસેના ના નેજા હેઠળ ઉમેદવારી નોંધાવી હતી અને પુત્ર અભિનવ ડેલકર દ્વારા ડમી ફોર્મ ભરવામાં આવ્યું હતું. 

કોંગ્રેસે મહેશ ધોડી પર લગાવ્યો છે દાવ
આ  પેટા ચૂંટણી માં  છેલ્લી ઘડી એ કોંગ્રેસ એ પોતાના ઉમેદવાર મહેશ ધોડી ને જાહેર કરી આ ચૂંટણી  જંગ ને ત્રી પાંખીયા જંગ માં ફેરવી નાખી છે.. મહેશ ધોડી કોંગ્રેસ ના નેતા છે  અને પૂર્વ ઇન્ડીયન રિઝર્વ બટાલિયન માં ફરજ બજાવી ચુક્યા છે.. મીડિયા સમક્ષ મહેશ ધોડી એ જણાવ્યું હતું કે તેઓ ની જીત નો વિશ્વાસ છે અને તેઓ ચોક્કસ પણે વોટ માં પણ ફેર પાડશે અને તેઓ  કોંગ્રેસ ના કાર્યકર્તાઓ સાથે મળી ને કાર્ય કરી 100 ટકા જીતશે તેવો વિશ્વાસ વ્યકત કર્યો હતો.