સતત ત્રીજા અઠવાડીયે પણ રશિયા અને યુક્રેન વચ્ચે જંગ ચાલી રહ્યો છે, જો કે હવે એક મોટી અપડેટ આવી રહી છે, જે અંતર્ગત કીવ પર મોટો હુમલો થવાના અણસાર વર્તાઈ રહ્યા છે.
યુદ્ધ ત્રીજા અઠવાડીયામાં પ્રવેશ કરી ચુક્યું છે
યુક્રેનના રાષ્ટ્રપતિએ કહી આ વાત
યુક્રેનને બચાવવું અસંભવ
રશિયા અને યુક્રેન યુદ્ધના 17માં દિવસે એક નિર્ણાયક મોડ આવ્યો છે. યુક્રેની રાષ્ટ્રપતિ વોલોદિમીર ઝેલેંસ્કીએ કહ્યું છે કે, રશિયાના સૈનિકો કીવ પર સંભવિત હુમલા માટે ફરી એક વાર સંગઠિત થતાં દેખાઈ રહ્યા છે. કીવ પર એક નવા હુમલાની તૈયારી એવા સમયે આવી રહી છે, જ્યારે અમેરિકાના ક્રેમલિનના વરિષ્ઠ અધિકારીઓ અને રશિયાના કુલીન લોકો પર નવા પ્રતિબંધો લગાવામાં આવ્યા છે. યુદ્ધ હવે પોતાના ત્રીજા અઠવાડીયામાં પ્રવેશ કરી ચુક્યું છે.
યુદ્ધ હવે પોતાના ત્રીજા અઠવાડીયામાં પ્રવેશ કરી ચુક્યું છે.
ઝેલેંસ્કી સતત કીવમાંથી પોતાના દેશને સંબોધન કરતા રહ્યા છે. હવે તેમણે કહ્યું છે કે, યુક્રેન એક મહત્વના રણનીતિક મોડ પર આવી પહોંચ્યું છે. ઝેલેંસ્કીએ કહ્યું કે, એ કહેવુ અશક્ય છે કે, યુક્રેનને આઝાદ બચાવી રાખવા માટે અમારી પાસે કેટલાય દિવસો બચ્યા છે. પણ અમે અમારી રક્ષા કરીશું. અમે અમારા ઉદેશ્ય. અમારી જીત તરફ પહેલા કરતા પણ વધારે મજબૂતી સાથે ઉભા રહીશું. અમેરિકાએ શુક્રવારે રશિયાના અબજોપતિ વિક્ટર વેક્સેલબ્રગ, રાષ્ટ્રપતિ વ્લાદિમીર પુતિનના પ્રવક્તાના પરિવારના ત્રણ સભ્યો અને રશિયાના સાંસદો પર પ્રતિબંધ લગાવી દીધો છે.
સેટેલાઈટ તસ્વીરોમાં દેખાયો કાફલો
આ પહેલા શુક્રવારે રાજધાની કીવ પાસે એક મોટો રશિયાઈ સેનાનો કાફલો જોવા મળ્યો હતો. એક રિપોર્ટમાં જણાવ્યા અનુસાર અમેરિકી ફર્મની સેટેલાઈટ તસ્વીરોથી જાણવા મળે છે કે, એક મોટા રશિયાના સૈન્ય કાફલાને કીવ પર હુમલા માટે તૈનાત કર્યો છે. કાફલાને છેલ્લે કીવના ઉત્તર પશ્ચિમમાં એંટોનોવ હવાઈ અડ્ડા પાસે જોવા મળ્યો હતો અને તેની મૂવમેંટ શહેર તરફ નવા રૂપ સાથે આગળ વધવાના સંકેતો આપી રહી છે.
ગોળાનો વરસાદ કરવા માટે તોપ તૈયાર
ફોટો ખેંચનારી કંપની મેક્સાર ટેક્નોલોજીએ કહ્યું કે, કાફલાનો અમુક ભાગ આજૂબાજૂના શહેરોમાં છે. એક રિપોર્ટમાં જણાવ્યા અનુસાર અન્ય ભાગ ઉત્તરમાં છે, જ્યારે તોપખાનામાં હવે ગોળીબારની સ્થિતી આવી ગઈ છે. યુક્રેનમાં રશિયા સેના દ્વારા દેશના અલગ અલગ ભાગમાં ટાર્ગેટ પર હુમલાઓ કરવાનું શરૂ કરી દીધું છે. જે આ તેમની નવી રણનીતિ છે. આ તમામની વચ્ચે ઉત્તર પશ્ચિમમાં લુત્સ્કમાં એક એરપોર્ટ અને જેટ એન્જીન કારખાનાને પણ ટાર્ગેટ કરવામાં આવ્યું હતું.