રશિયા યુક્રેન વચ્ચે ચાલી રહેલા જંગનો આજે 12મો દિવસ છે. ત્યારે હવે યુક્રેનના રાષ્ટ્રપતિને ધીરજ ખુટી છે, અને તેમણે કહ્યું છે કે, આ યુદ્ધમાં સામેલ તમામ લોકોને અમે સજા આપીશું.
રશિયા અને યુક્રેન વચ્ચે ચાલી રહ્યો છે જંગ
યુક્રેનના રાષ્ટ્રપતિની ધીરજ ખુટી
જડબાતોડ જવાબ આપશે
રશિયા યુક્રેન વચ્ચે ચાલી રહેલા જંગનો આજે 12મો દિવસ છે. યુક્રેન પર રશિયા સેનાના તાબડકોડ હુમલા ચાલું છે. તેનાથી યુક્રેનના કેટલાય શહેરોમાં તબાહી મચી છે. UNએ દાવો કર્યો છે કે, અત્યાર સુધીમાં 15 લાખથી વધારે લોકો યુક્રેન છોડીને બીજા દેશમાં શરણ લઈ ચુક્યા છે. આ યુદ્ધમાં જવાનો, મહિલાઓ અને બાળકો સહિત કેટલાય લોકોના જીવ ગયા છે. યુક્રેની રાષ્ટ્રપતિ જેલેંસ્કીએ યુદ્ધ માટે જવાબદાર લોકોને સજા આપવાની કસમ ખાધી છે.
જેલેંસ્કીએ કહી આ વાત
જેલેંસ્કીએ એક સંબોધનમાં કહ્યું કે, આ હત્યા છે, જાણી જોઈને કરવામાં આવેલી હત્યા. કારણ કે, રશિયાએ સોમવારે વધું આક્રમક રીતે ગોળીબાર કરવાની ચેતવણી આપી છે. અમે તેને ક્યારેય નહીં ભૂલીએ અને ન તો તેમાં સામેલ લોકોને માફ કરીશું. અમે અમારી જમીન પર અત્યાર કરનારા તમામ લોકોને સજા આપીશું. કબર સિવાય આ ધરતી બીજી કોઈ શાંત જગ્યા હોઈ શકે નહીં.
તેમણે કહ્યું કે, રશિયા સેનાએ યુક્રેના શહેરોને તબાહ કરી નાખ્યા છે. સીઝફાયર દરમિયાન પણ બોમ્બ બ્લાસ્ટ રોકાયા નથી. આ કારણે મારિયુપોલમાં ફસાયેલા લોકો નિકળી શક્યા નહીં. આ બાજૂ રશિયાએ સમગ્ર યુક્રેન પર આજે બીજા વાર સીઝફાયરનું એલાન કર્યું છે. આ દરમિયાન યુદ્ધમાં ફસાયેલા લોકો નિકળવા માટે હ્યુમન કોરિડોક બનાવ્યો છે. તો વળી અમેરિકાનું કહેવું છે કે, યુક્રેનમાં નાગરિકો પર જાણી જોઈને હુમલાઓ કરવામાં આવી રહ્યા છે.
બંને દેશો વચ્ચે આજે ત્રીજી વાર બેઠક
યુક્રેન અને રશિયાની વચ્ચે આજે ત્રીજા તબક્કાની વાતચીત થશે. આ અગાઉ રશિયા અને યુક્રેન વચ્ચે બે વખત ચર્ચા થઈ છે. પણ અત્યાર સુધી કોઈ ઠોસ પરિણામ સામે આવ્યું નથી. આ યુદ્ધમાં ન તો પુતિન પાછીપાની કરે છે, ન તો યુક્રેનના રાષ્ટ્રપતિ હાર માનવા તૈયાર છે.
અમેરિકા લગાવી શકે છે કડક પ્રતિબંધો
યુક્રેન પર રશિયાના હુમલા બાદ કેટલાય દેશો રશિયાના રાષ્ટ્રપતિ વ્લાદિમીર પુતિન વિરુદ્ધ કડક પ્રતિબંધો લગાવી રહ્યા છે. રશિયા પર કેટલાય પ્રતિબંધો લાગ્યા છે. હવે અમેરિકાનું કહેવું છે કે, હવે યુરોપી સાથે રશિયા તેલ આયાત પર પ્રતિબંધ લગાવાની ચર્ચા ચાલી રહી છે.
ત્રીજા વિશ્વ યુદ્ધના ભણકારા
આ બાજૂ નાટોએ યુક્રેનને નો ફ્લાઈ ઝોન પ્રસ્તાવ રદ કર્યો છે. અમેરિકી સાંસદ માર્કો રૂબિયોએ આ અંગે જણાવ્યુ હતું ક,ે યુક્રેનના પ્રસ્તાવને માનવાથી ત્રીજૂ વિશ્વ યુદ્ધ થઈ શકે છે. કારણ કે, પુતિને નો ફ્લાઈ ઝઓન લાગૂ થવા પર ન ફક્ત યુરોપ, પણ સમગ્ર દુનિયા માટે ભારે અને વિનાશકારી પરિણામની ધમકી આપી છે.