ભારતીય બજારમાં ઇલેક્ટ્રિક વાહનોની માંગ ઝડપથી વધી રહી છે. હવે જર્મનીની અગ્રણી વાહન નિર્માતા કંપની ફોક્સવેગન ભારતીય બજારમાં તેની નવી ઇલેક્ટ્રિક એસયુવી ID.4 લોન્ચ કરવાની તૈયારી કરી રહી છે. કંપનીએ તાજેતરમાં આ એસયુવી રજૂ કરી હતી, જોકે એસયુવી યુરોપિયન બજારમાં વેચાણ માટે પહેલેથી જ ઉપલબ્ધ છે.
મીડિયા રિપોર્ટ્સ અનુસાર, ફોક્સવેગન ID.4 એ ભારતીય બજારમાં કંપની દ્વારા રજૂ કરાયેલું પહેલું ઇલેક્ટ્રિક વાહન હોઈ શકે છે. એક અહેવાલ મુજબ આ એસયુવી કંપનીના રડાર પર છે, જે અહીંના બજારમાં રજૂ કરી શકાય છે. એક ડિજિટલ પ્રેસ કોન્ફરન્સ દરમિયાન કંપનીએ આ વાતની પુષ્ટિ કરી છે.
ફીચર્સ
Volkswagen ID.4માં કંપનીએ આધુનિક ટ્રેન્ડ મુજબ એલઇડી હેડલાઇટ્સ અને ટેલ લાઇટનો ઉપયોગ કર્યો છે. આ સિવાય તેમાં 21 ઇંચનું એલોય વ્હીલ અને ફ્લશ ફિટિંગ ડોર હેન્ડલ છે. આ એસયુવીની વિશેષ વાત એ છે કે તેની સીટ્સમાં કોઈપણ એનિમલ પ્રોડક્ટ્સનો ઉપયોગ કરવામાં આવ્યો નથી. તેમાં 2,766 એમએમનું વ્હીલબેસ અને 543 લિટરની શાનદાર બૂટ સ્પેસ પણ છે.
520 કિ.મીની છે એવરેજ
જ્યાં સુધી પાવરની વાત છે, આ એસયુવીમાં કંપનીએ 77kWh ક્ષમતાના બેટરી પેકનો ઉપયોગ કર્યો છે જે 204hp નો પાવર અને 310Nmનો ટોર્ક જનરેટ કરે છે. એટલું જ નહીં, આ એસયુવી માત્ર 8.5 સેકંડમાં શૂન્યથી 100 કિલોમીટર પ્રતિ કલાકની ઝડપ પકડવામાં સક્ષમ છે. તેમાં 125 kWhની ક્ષમતાનું ડીસી ફાસ્ટ ચાર્જર પણ છે, જે ફક્ત એક કલાકમાં એટલી બેટરી ચાર્જ કરે છે કે આ એસયુવી 320 કિમી સુધી સરળતાથી ચાલી શકે છે. સિંગલ ચાર્જમાં આ એસયુવી 520 કિલોમીટર સુધીની ડ્રાઇવિંગ રેન્જ પ્રદાન કરે છે.
કંપની 2022ના અંત સુધીમાં લોન્ચ કરી શકે છે
આ એસયુનીમાં કંપનીએ 210mmનું ગ્રાઉન્ડ ક્લિયરન્સ આપ્યું છે. તેમાં કનેક્ટિવિટી સિસ્ટમ છે, જેથી આ એસયુવી હંમેશા ઇન્ટરનેટથી કનેક્ટ રહે છે. આ સિવાય કંપની આ એસયુવીમાં કોઈપણ પ્રકારની ફોલ્ટને ઓનલાઇન જ સરળતાથી પકડી શકે છે. આ એસયુવી સાથે, કંપની 8 વર્ષ અથવા 1.60 લાખ કિ.મી.ની વોરંટી આપી રહી છે. જ્યાં સુધી આ એસયુવીને ભારતીય માર્કેટમાં લોન્ચ કરવાની વાત છે, તો કંપની તેને 2022ના અંત સુધીમાં લોન્ચ કરી શકે છે.