આજકાલ ભારતના ટેલિકોમ સેક્ટરમાં ખૂબ જ જોરદાર પ્રતિસ્પર્ધા ચાલી રહી છે. જિયો કંપનીએ છેલ્લા બે વર્ષમાં ઘણી કાયા પલટ કરી દીધી છે. કોલિંગ રેટની વાત હોય કે ઇન્ટરનેટ દરેક ચીજમાં કંપનીઓ પોતાના ગ્રાહકોને ઓફર્સ આપી રહી છે. ભારતમાં તહેવારની સિઝન દરમિયાન કંપનીઓ ગ્રાહકોને ભરપૂર આકર્ષક ઓફર્સ આપી હતી. હવે વારો નવા વર્ષનો. નવું વર્ષ આવવાનું છે. એવામાં ટેલિકોમ કંપનીઓ પોતાના ગ્રાહકોને કોલિંગ ઇન્ટરનેટ ડેટાની સાથે સાથે કેશબેક આપવાની તૈયારી પણ કરી રહી છે.
વોડાફોન કંપનીએ પોતાના ગ્રાહકોને માટે 'ન્યૂ યર ઓફર' પેશ કરી છે. આ ઓફર હેઠળ ગ્રાહકોને પ્રીપેડ રિચાર્જ કરાવવા પર 30 રૂપિયાનું અમેઝોન પે પર કેશબેક પણ મળશે. આ કેશબેકને ગ્રાહક કોઇ પણ અન્ય બિલ પેમેન્ટનું કોઇ અન્ય કામમાં ઉપયોગ કરી શકે છે. આ 'ન્યૂ યર ઓફર'ની મર્યાદા 10 જાન્યુઆરી 2019 સુધી છે.
જણાવી દઇએ કે આ વર્ષમાં અત્યાર સુધી ન્યૂ યર ઓફરના રૂપમાં આ પહેલી ટેલિકોમ ઓફર સામે આવી છે. જો કે હવે વોડાફોન બાદ અન્ય ટેલિકોમ કંપનીઓ પણ કોઇને કોઇ ન્યૂ યર ઓફર જરૂર પેશ કરશે.
વાસ્તવમાં તમને જણાવી દઇએકે છેલ્લા કેટલાક વર્ષોથી સસ્તા થયેલા કોલ રેટ્સ અને ઇન્ટરનેટ ડેટાના કારણે કંપનીને નુકસાન ઊઠાવવું પડ્યું છે. જેના કારણે કેટલીક કંપનીએ મિનીમમ રિચાર્જ પ્લાન પણ લોન્ચ કરી દીધા છે.