Vodafoneનો નવો પ્લાન લોન્ચ, 119 રૂપિયામાં ફી કોલિંગ સાથે મળશે 1GB ડેટા

By : krupamehta 11:49 AM, 05 February 2019 | Updated : 11:49 AM, 05 February 2019
Vodafoneએ 119 રૂપિયાનો એક નવો પ્રીપેડ પ્લાન લોન્ચ કર્યો છે. 28 દિવસની વેલિડિટીની સાથે આવનારા આ પ્લાનમાં અનલિમિટેડ વોઇસ કોલિંગની સાથે યૂઝર્સને દરરોજ 1GB ડેટા ઓફર કરવામાં આવી રહ્યો છે. જો કે આ પ્લાનમાં યૂઝર્સને દરરોજ ફ્રી એસએમએસની સુવિધા આપવામાં આવશે નહીં. આ પ્લાનને એ યૂઝર્સને ધ્યાનમાં રાખીને બનાવ્યો છે જે મોબાઇલ ઇન્ટરનેટ ડેટાથી વધારે વોઇસ કોલિંગને પ્રાથમિકતા આપે છે. એક રિપોર્ટ અનુસાર આ પ્લાનને કેટલાક લોકો માટે જ ઉપલબ્ધ કરવામાં આવ્યો છે. આ પ્લાનની જેમ જ વોડાફોનનો બીજો એક પ્લાન પણ ઉપલબ્ધ છે. 169 રૂપિયાના આ પ્લાનમાં વોડાફોન પોતાના યૂઝર્સને 28 દિવસની વેલિડિટીની સાથે જ દરરોજ ફ્રી 100 એસએમએસ આપી રહ્યું છે. 

વોડાફોને તાજેતરમાં જ 1699 રૂપિયાનો લોન્ગ ટર્મ પ્લાન લોન્ચ કર્યો હતો. આ પ્લાનમાં સબ્સક્રાઇબર્સને કોઇ FUP લિમિટ વગર અનલિમિટેડ લોકલ અને નેશનલ કોલિંગ આપવામાં આવી રહી છે અને આ પ્લાનને લેનાર સબસ્ક્રાઇબર્સને હવે દરરોજ 250 મિનીટની કેપિંગથી આઝાદી મળી જશે. આ પ્લાનમાં વોડાફોન યૂઝર્સને દરરોજ 100 એસએમએસ અને 1GB ડેટા ઉપલબ્ધ કરાવી રહ્યો છે. ફ્રી ડેટા ખતમ થવા પર યૂઝર્સને 50 પૈસા પ્રતિ એમબીના દરથી ડેટા મળશે, વોડાફોનનો આ પ્લાન 365 દિવસની વેલિડિટીની સાથે આવે છે અને એમાં યૂઝર્સને Vodafone play નું કોમ્પલીમેન્ટ્રી એક્સેસ પણ આપવામાં આવી રહ્યું છે. 

વોડાફોને પોતાનો આ પ્લાન Airtel અને Reliance Jio ના લોન્ગ ટર્મ પ્લાનને ટક્કર આપવા માટે લોન્ચ કર્યો છે. એરટેલ પોતાના 1699 રૂપિયાના પ્લાનમાં યૂઝર્સને 365 દિવસની વેલિડિટીની સાથે અનલિમિટેડ કોલિંગ અને પ્રતિદિન 100 એસએમએસની સાથે દરરોજ 1GB નો ડેટા આપી રહ્યું છે. જ્યારે જિયોના 1699 રૂપિયાના પ્લાનમાં યૂઝર્સને દરરોજ 1.5 લજીબી ડેટાની સાથે 365 દિવસની વેલિડિટી આપવામાં આવી રહી છે. આ ઉપરાંત જિયોના પ્લાનને સબસ્ક્રાઇબ કરનાર યૂઝર્સને અનલિમિટેડ વોઇસ કોલિંગ અને દરરોજ 100 એસએમએસ પણ આપવામાં આવી રહ્યા છે. 



Recent Story

Popular Story