Vodafone Indiaએ પોતાના પ્રીપેડ યૂઝર્સ માટે 3 નવા પ્લાન રજૂ કર્યા છે જેમાં યૂઝર્સને અલગ-અલગ વેલિડિટીની સાથે પ્રતિદિવસ 1.5GB ડેટાની સુવિધા આપવામાં આવશે. આ સિવાય પ્રતિદિવસ 250 મિનિટ (1000 મિનિટ અઠવાડિયાની લિમિટ) લોકલ તથા STD કૉલિંગની સુવિધાની સાથે પ્રતિદિવસ 100SMS મફતમાં આપવામાં આવશે. 1.5GB ડેટાવાળા પેકની શરૂઆત 209 રૂપિયાથી થાય છે.
Vodafoneના 3 પ્લાન્સની કિંમત 209 રૂપિયા 479 રૂપિયા અને 529 રૂપિયાની છે. જેની વેલિડિટી ક્રમશ: 28 દિવસ 84 દિવસ અને 90 દિવસ હશે. આ રીતે 209 રૂપિયાના આ પ્લાનના યૂઝર્સને 42GB 479 રૂપિયાના પ્લાનમાં 126GB અને 529 રૂપિયાના પ્લાનમાં 135GB ડેટા મળશે. જોકે હાલમાં આ પ્લાન્સ પસંદગીના સર્કલ્સમાં મળશે ત્યાર બાદ અન્ય જગ્યાઓ પર લાગુ કરવામાં આવશે.
Vodafone થોડા દિવસ પહેલા 549 રૂપિયા અને 799 રૂપિયાના 2 નવા પ્લાન રજૂ કર્યા છે. 549 રૂપિયાવાળા પ્લાનમાં યૂઝર્સને 3.5GB ડેટા દરરોજ મળે છે જ્યારે 799 રૂપિયાના પ્લાનમાં Vodafone યૂઝર્સને 4.5GB ડેટા દરરોજ મળે છે. આ બંને પ્લાન્સની વેલિડિટી 28 દિવસની છે.