Airtel પછી Vodafone-Idea રિચાર્જના પ્લાન કિંમતો વધારવાની જાહેરત કરી છે. નવી કિંમતો 25 નવેમ્બરથી દેશભરમાં લાગુ થશે.
વોડાફોન-આઈડિયાએ તેના ગ્રાહકોને આપ્યો ઝટકો
કંપનીએ તેનો આ પ્રીપેડ પ્લાનની કિંમતોમાં વધારો કર્યો
25 નવેમ્બરથી દેશભરમાં લાગુ થશે.
એરટેલે દ્વારા ગઈ કાલે જ રિચાર્જ પ્લાનની નવું રેટ લિસ્ટ રજૂ કરાયું હતું
Airtel દ્વારા ગઈકાલે જ રિચાર્જ પ્લાનની નવું રેટ લિસ્ટ રજૂ કરવામાં આવી હતી. આજે એટેલે કે, 23મી નવેમ્બર 2021ના રોજ, Vodafone-Idea (Vi) એ તેનો રિચાર્જ પ્લાન મોંઘો કરી દીધો છે. કંપની દ્વારા રિચાર્જ પ્લાનની નવી રેટ લિસ્ટ બહાર પાડવામાં આવી છે. જે મુજબ Vi રિચાર્જ પ્લાનની નવી કિંમતો 25 નવેમ્બરથી દેશભરમાં લાગુ થશે. જ્યારે એરટેલ પ્લાનની નવી કિંમતો 26 નવેમ્બરથી લાગુ થશે.
આ Viનો સૌથી સસ્તો રિચાર્જ પ્લાન હશે
વોડાફોન-આઈડિયાના 79 રૂપિયાના સૌથી સસ્તા રિચાર્જ પ્લાનની કિંમત હવે 99 રૂપિયા થશે. મતલબ કે Viનો સૌથી સસ્તો રિચાર્જ પ્લાન 99 રૂપિયામાં આવશે. આ પ્લાનમાં 99 રૂપિયાનો ટોક ટાઈમ અને 200MB ડેટા મળશે. જ્યારે અમર્યાદિત વૉઇસ પ્લાન માટે, Vi યુઝર્સને 149 રૂપિયાની જગ્યાએ 179 રૂપિયાનું રિચાર્જ કરાવવું પડશે. આ પ્લાન 28 દિવસની વેલિડિટી સાથે આવશે. આ પ્લાનમાં અનલિમિટેડ કોલિંગ સાથે 300SMS અને 2GB ડેટા મળશે.
દૈનિક ડેટા પ્લાન
દૈનિક 2જીબી પ્લાન માટે, વપરાશકર્તાઓએ ઓછામાં ઓછું રૂ.269નું રિચાર્જ કરવું પડશે, જે અગાઉ રૂ.219માં ઉપલબ્ધ હતું. આ પ્લાનની વેલિડિટી 28 દિવસની રહેશે.આ પ્લાનમાં રોજના 1 જીબી ડેટા સિવાય અમર્યાદિત કોલિંગ અને 100 SMS મળશે. તે જ સમયે, દૈનિક 1.5 ડેટા માટે, 299 રૂપિયાનું ન્યૂનતમ રિચાર્જ કરવું પડશે. જ્યારે દૈનિક 2 જીબી ડેટાનો સૌથી સસ્તો રિચાર્જ પ્લાન 359 રૂપિયામાં આવશે.
સૌથી મોંઘા વૉઇસ બંડલ પ્લાન
Viનો સૌથી મોંઘો વૉઇસ પ્લાન 2399 રૂપિયાની જગ્યાએ 2899 રૂપિયામાં આવશે. આ પ્લાનમાં 500નો વધારો કરવામાં આવ્યો છે. આ પ્લાનમાં 365 દિવસની વેલિડિટી મળશે. આ પ્લાનમાં અમર્યાદિત કૉલિંગ તેમજ દૈનિક 100 SMS અને દૈનિક 1.5 GB ડેટા પ્લાન સાથે આવશે.
ડેટા ટોપ અપ પ્લાન
Viનો સૌથી સસ્તો ડેટા પ્લાન 28 રૂપિયાને બદલે 58 રૂપિયામાં આવશે. આ પ્લાનમાં 28 દિવસ માટે 3 જીબી ડેટા મળશે. જ્યારે સૌથી મોંઘો ડેટા પ્લાન 351ને બદલે 418 રૂપિયામાં આવશે. આ પ્લાનમાં મહત્તમ 100 GB ડેટા મળશે. તેની વેલિડિટી 56 દિવસની રહેશે.