વોડાફોન આઈડિયાએ દેશમાં પોતાના ઓનલાઈન પ્રીપેડ સિમ ડિલીવરી સર્વિસ એક્સપાન્ડ કરી દીધી છે. એક્સપેન્શનની સાથે જ વીઆઈ હવે કંપનીની વેબસાઈટથી ઓનલાઈન સિમ કાર્ડ ઓર્ડર કરનાર ગ્રાહકોને 'Digital Exclusive' 399 રૂપિયાનો પ્લાન ઓફર કરી રહી છે. નોંધનીય છે કે, કંપનીના ઓફલાઈન સ્ટોરથી નવા વીઆઈ સિમ કાર્ડ ખરીદનાર ગ્રાહકોને આ પ્લાનનો ફાયદો નહીં મળે. તેની જગ્યાએ તેમને ‘First Recharge (FRC)’ પ્લાન- 97 રૂપિયા, 197 રૂપિયા, 297 રૂપિયા, 497 રૂપિયા અને 647 રૂપિયાવાળા પ્લાન મળશે.
વોડાફોનના ગ્રાહકો માટે સારાં સમાચાર
કંપની હવે તેના ગ્રાહકો માટે લાવી આ નવો સસ્તો પ્લાન
કંપની 'Digital Exclusive' 399 રૂપિયાનો પ્લાન ઓફર કરી રહી છે
વીઆઈ નવા ગ્રાહકોને આકર્ષિત કરવા માટે સતત પ્રયાસો કરી રહ્યું છે. હવે કંપનીએ નવા એમએનપી અને રેગ્યુલર ગ્રાહકો માટે 399 રપિયાનો પ્લાન ઓફર કર્યો છે. આમાં રોજ 1.5 જીબી ડેટા, અનલિમિટેડ વોઈસ કોલિંગ અને 56 દિવસ સુધી 100 એસએમએસ મળે છે.
ટેલિકોમ ઓપરેટર્સ જેવા કે એરટેલ અને વીઈ સામાન્ય રીતે પાંચ એફઆરસી પ્લાન 97, 197, 297, 497 અને 647 રૂપિયાનો પ્લાન ઓફર કરે છે. વીઆઈની વેબસાઈટથી નવું કનેક્શન લેવા પર યુઝર્સને 399 રૂપિયાનો પ્લાન ઓફર કરવામાં આવે છે અને આ જ કારણ છે કે, વીઆઈએ આ પ્લાનને ડિજિટલ એક્સક્લૂસિવ પ્લાન નામ આપ્યું છે.
399 રૂપિયાવાળા પ્લાન સિવાય કંપની ઓનલાઈન નવું કનેક્શન લેનાર ગ્રાહકો માટે 297 રૂપિયાના પ્લાનમાં 1.5 જીબી ડેટા, અનલિમિટેડ કોલિંગ અને 100 એસએમએસ મળે છે. આ પેકની વેલિડિટી 28 દિવસની છે. આ સિવાય, વીઆઈ હવે દેશમાં વધુ જગ્યાએ નવા સિમ કાર્ડને ડિલિવર કરવાની સુવિધા આપી રહ્યું છે.