વોડાફોન તેના ગ્રાહકો માટે નવા નવા પ્લાન લોન્ચ કરતું રહે છે. ત્યારે હવે કંપની ગ્રાહકોને 50 જીબી બોનસ ડેટા ઓફર કરી રહી છે.
વોડાફોનના ગ્રાહકો માટે બેસ્ટ ઓફર
કંપની આ પ્લાનમાં આવી રહી છે 50 જીબી બોનસ ડેટા
આ પ્રીપેડ પ્લાનની વેલિડિટી પણ 1 વર્ષની છે
વોડાફોન આઈડિયા સતત સસ્તા રિચાર્જ પ્લાનથી ગ્રાહકોને આકર્ષિત કરી રહ્યું છે. ત્યારે કંપની અવાર નવાર નવી નવી ઓફર્સ ગ્રાહકો માટે લાવતી રહે છે. હવે વોડાફોન 2595 રૂપિયાના પ્રીપેડ પ્લાનમાં બોનસ ડેટા ઓફર કરી રહી છે. આ ઓફર વોડાફોન આઈડિયાના મોબાઈલ એપ દ્વારા રિચાર્જ માટે ઉપલબ્ધ છે. 2595 રૂપિયાવાળા પ્રીપેડ પ્લાનની વેલિડિટી 1 વર્ષની છે અને આ કંપનીના સૌથી મોંઘા પ્લાનમાંથી એક છે. હવે ગ્રાહકોને આ પ્લાનમાં 50 જીબી ડેટા ઓફર કરવામાં આવી રહ્યું છે.
2595 રૂપિયાવાળા પ્રીપેડ પ્લાનને મોબાઈલ એપમાં 'Extra 50GB'ની સાથે મેન્શન કરવામાં આવ્યું છે. આ 50 જીબી ડેટા પ્લાન એક્સપાયર થવા સુધી વેલિડ રહેશે. આ પ્લાનની વેલિડિટી 365 દિવસ છે. વોડાફોન આઈડિયાએ એવી કોઈ જાણકારી નથી આપી કે આ બેનિફિટ કેટલા દિવસ સુધી મળશે, પરંતુ આ એક લિમિટેડ ટાઈમ ઓફર હોઈ શકે છે.
તમને જણાવી દઈએ કે 2,595 રૂપિયાના વોડાફોન આઈડિયા પ્લાનમાં FUP લિમિટ સાથે 2 જીબી ડેટા ઉપલબ્ધ છે. આ ઉપરાંત દેશભરમાં કોઈપણ નેટવર્ક પર અનલિમિટેડ કોલિંગની સુવિધા પણ મળે છે. ગ્રાહકો દરરોજ 100 એસએમએસ પણ મોકલી શકે છે. એક વર્ષ માટે વોડોફોન યુઝર્સને ઝી5 પ્રીમિયમ સબ્સ્ક્રિપ્શન મફત મળે છે. આ પ્લાનની વેલિડિટી 365 દિવસની છે.
સામાન્ય રીતે આ પ્લાનમાં ગ્રાહકોને કુલ 730 જીબી ડેટા મળે છે. બોનસ ડેટા ઉમેરીને કુલ 780 જીબી ડેટાનો લાભ લઈ શકાય છે. વોડાફોનની વેબસાઇટ પરથીરિચાર્જ કરવા પર આ ઓફર ઉપલબ્ધ નથી. આ એક એપ્લિકેશન એક્સક્લૂસિવ ઓફર છે. આ પ્લાનમાં Vi Movies & TV Classicનું ફ્રી સબ્સ્ક્રિપ્શન મળે છે. આ પ્લાન 'વિકેન્ડ ડેટા રોલઓવર' ઓફર સાથે પણ આવે છે. આ ઓફર સાથે યુઝર્સ એક સપ્તાહના બાકીના ડેટા (સોમવારથી શુક્રવાર) એટલે કે શનિવાર અને રવિવારનો ઉપયોગ કરી શકે છે.