વોડાફોને તેના ગ્રાહકો માટે 46 રૂપિયાનો નવો પ્લાન લોન્ચ કર્યો છે. આ પ્લાનની વેલિડિટી 28 દિવસની છે. આ પ્લાનમાં ગ્રાહકોને માત્ર ઓન નેટ નાઈટ મિનિટ્સ મળશે. આ સિવાય ગ્રાહકોને અન્ય કોઈ ફાયદા મળશે નહીં. એટલે કે ગ્રાહકો એસએમએસ, ડેટા જેવા ફાયદા નહીં મળે. આ ફાયદાઓ જોઈએ તો ગ્રાહકોએ અન્ય કોઈ પ્લાનમાં રિચાર્જ કરાવવું પડશે.
વોડાફોનના ગ્રાહકો માટે સારાં સમાચાર
કંપનીએ લોન્ચ કર્યો સસ્તો પ્લાન
માત્ર 46 રૂપિયામાં મળશે આ ફાયદા
વોડાફોનના નવા 46 રૂપિયાના પ્લાનના બેનિફિટ્સ 24 રૂપિયાના વાઉચર જેવા છે. પરંતુ વેલિડિટી વધુ છે. 24 રૂપિયાવાળા પ્લાનની વેલિડિટી 14 દિવસની જ છે. આ નવો પ્લાન કંપનીની વેબસાઈટ પર જોઈ શકાય છે. હાલ તેને માત્ર કેરળ સર્કલમાં જ લોન્ચ કરવામાં આવ્યો છે.
આ પ્લાનમાં ગ્રાહકોને 28 દિવસની વેલિડિટીની સાથે 100 લોકલ ઓન નેટ નાઈટ મિનિટ્સ મળશે. સાથે જ આ વાઉચર 2.5 પૈસા પ્રતિ મિનિટની દરથી લોકલ અને નેશનલ કોલ્સ પણ ઓફર કરશે.
ગ્રાહકોને નાઈટ મિનિટ્સનો ફાયદો રાતે 11 વાગ્યાથી સવારે 6 વાગ્યા સુધી મળશે. આ પ્લાન આઈડિયા સબસ્ક્રાઈબર્સ માટે પણ લાઈવ છે. કંપનીનો 24 રૂપિયાનો પ્લાન પણ આ જ બેનિફિટ સાથે આવે છે.