ગજબ / Vodafone Ideaએ લોન્ચ કર્યુ પોકેટ સાઈઝ Wifi, એક સાથે જોડાઈ શકે છે 10 ડિવાઈઝ, જાણો ખાસિયતો

• વોડાફોન આઈડિયાએ લોન્ચ કર્યું નવું પ્રોડક્ટ 
• પોકેટ સાઈઝ 4જી રાઉટર Vi Mi-Fi લોન્ચ
• જાણો તેની ખાસીયતો વિશે 

વોડાફોન આઈડિયાએ Wi-Fi ડિવાઈઝની દુનિયામાં એક નવું પ્રોડક્ટ લોન્ચ કર્યુ છે. વોડાફોને પોકેટ સાઈઝ 4જી રાઉટર Vi Mi-Fi લોન્ચ કર્યું છે. કંપનીનું કહેવું છે કે Mi-Fi રાઉટર 150 Mbps સુધીની સ્પીડને સપોર્ટ કરે છે. આ ડિવાઈઝની સાથે 10 લોકો એક સાથે તેમના ડિવાઈઝને કનેક્ટ કરી શકે છે.

Vi MiFi રાઉટર 2700 mAhની બેટરીની સાથે લોન્ચ કરવામાં આવ્યું છે. કહેવામાં આવી રહ્યું છે કે એક વખત ચાર્જ કરવા પર 5 કલાક સુધી આ રાઉટરનો ઉપયોગ કરી શકાય છે.

Vi MiFi રાઉટરની કિંમત 2,000 રૂપિયા છે. આ રાઉટરને વોડાફોન-આઈડિયાના ફેમિલી પોસ્ટપોડ પ્લાન સાથે એડ-ઓનના રૂપમાં ખરીદી શકાય છે. આ 399 રૂપિયાથી શરૂ થતા પોસ્ટપેડ પ્લાનની સાથે પણ ઉપલબ્ધ છે. Vi MiFi 4G પોકેટ સાઈઝ રાઉટર પર કંપનીની એક વર્ષની વોરન્ટી આપવામાં આવી રહી છે. 

વોડાફોન-આઈડિયા રિચાર્જ પ્લાન 
વોડાફોન આઈડિયાએ 299 રૂપિયાનું પ્રીપેડ પ્લાન લોન્ચ કરવામાં આવ્યો છે. આ પ્લાન 28 દિવસની વેલિડિટીની સાથે આવે છે. આ પ્લાનમાં ગ્રાહકોને દરરોજ 1.5GB ડેટા, અનલિમિટેડ વોઈસ કોલિંગ મળે છે. આ ઉપરાંત તેમાં દરરોજ SMS મળે છે. તે ઉપરાંત યુઝર્સને તેમાં વિંજ નાઈટ, વિકેન્ડ ડેટા રોલઓવર અને ડેટા ડિલાઈટ ઓફર મળે છે. આ ઉપરાંત તેમાં Vi Movies અને TV ક્લાસિક એક્સેસ માટે OTT સબ્સક્રિપ્શન પણ મળે છે. 

એપમાં મળશે વધારે એન્ડ્રોયડ ગેમ્સ 
વોડાફોન આઈડિયા લિમિટેડે સ્પોર્ટ્સ મીડિયા કંપની નજારા ટેક્નોલોજીઝ લિમિટેડની સાથે ભાગીદારીમાં 'Vi ગેમ્સ' લોન્ચ કરવાની જાહેરાત કરી છે. આ ભાગીદારીથી વોડાફોન આઈડિયા પોતાના સબ્સક્રાઈબર માટે ગેમિંગ સેવાઓ શરૂ કરશે. Vi Gamesના નામથી શરૂ થતી આ ગેમિંગ સર્વિસ હેઠળ 1400થી વધારે એન્ડ્રોયડ અને HTML5 આધારિત મોબાઈલ ગેમ ઉપલબ્ધ થશે. તેમાં ફ્રી અને પેડ બન્ને પ્રકારની મોબાઈલ ગેમ હશે.