મુશ્કેલી / વોડાફોન ગયું તો Airtel અને Jioને ફાયદો થવાને બદલે મુશ્કેલીઓ વધી જશે, જાણો કેમ

નેટવર્ક વેંડર્સની મુશ્કેલી

નુકસાનમાં ચાલી રહેલી વોડાફોન-આઇડિયા જો AGR ચૂકવણીમાં નિષ્ફળ રહે છે અને પોતાનો બિઝનેસ સમેટી લેવા મજબૂર થાય છે તો ટેલિકોમ કંપનીના નેટવર્ક વેંડર્સને અંદાજે 4,000 કરોડ રૂપિયાની ચૂકવણી લેવા માટે વધારે મહેનત કરવી પડી શકે છે. આ આશંકા વિશ્લેષકો અને ઇન્ડસ્ટ્રીઝના એક્ઝિક્યૂટિવ જાહેર કરી છે. 

તેમના જણાવ્યાં અનુસાર આવી પરિસ્થિતિમાં ટેલિકોમ  ઉપકરણ બનાવનારી કેટલીક મોટી કંપનીઓને ભારતમાં પોતાનો વેપાર ઘટાડવો પડશે અથવા બંધ કરવો પડી શકે છે કારણ કે ભારતી એરટેલ અને રિલાયન્સ જિયો ઇન્ફોકોમની પ્રાઇવેટ ડુઓપોલી બાદ પાંચ ગ્લોબલ વેંડર્સના કામકાજ કરવાની અવકાશ રહેશે નહીં.

 

હુઆવે અને ZTE ને મુશ્કેલી

ચાઇનીઝ વેંડર્સ હુઆવે અને ZTE ને પોતાના રૂપિયા પરત લેવા માટે મુશ્કેલી ઉભી થવાની શક્યતા છે, કારણ કે તેમની પાસે લેટર્સ ઓફ ક્રેડિટ (LC) નથી. સૂત્રોના જણાવ્યાં અનુસાર યૂરોપિયન વેંડર નોકિયા અને એરિકસન પાસે LC છે જેનો મતલબ એ થાય છે કે જો વોડાફોન-આઇડિયા નાદારી નોંધાવાની કાર્યવાહી કરે છે તો નેશનલ કંપની લૉ ટ્રાઇબ્યૂનલ (NCLT)માં અરજી દાખલ કરે છે તો તેમની પાસે બાકી રહેલી રકમનો કેટલોક ભાગ વસૂલ કરવાની તક છે. LC બેંક લેટર હોય છે જે ગેરેંટી આપે છે કે ઇક્વિપમેંટ ખરીદનારાની ચૂંકવણી વેંડરને મળશે. જો ખરીદનાર ચૂકવણી કરવામાં નાકામ રહે છે તો બેંકે તે પરત કરવાની રહેશે.
 

ટાવર કંપનીઓને ઝટકો

ઇન્ડસ્ટ્રીના જાણકારોનું કહેવું છે કે જો વોડાફોન-આઇડિયાનું ઓપરેશન બંધ થાય છે તો અમેરિકાની અમેરિકન ટાવર કૉર્પ (ATC) જેવી ટાવર  કંપનીઓને પણ ઝટકો લાગી શકે છે. જેમાં થોડા વર્ષ પહેલા નાણાંકીય સંકટથી પરેશ ટેલિકોમ કંપનીઓએ 20,000 સ્ટેન્ડઅલોન ટાવરને 1 અરબ ડોલરથી વધારેમાં ખરીદી કરી હતી. 

 

જિયો બનાવી રહી છે પોતાના ટાવર

જિયો પોતાના ટાવર્સ બનાવી રહી છે એમ જોતા એરટેલના ભારતી ઇન્ફ્રાટેલ અને ઇંડસની સાથે સમજૂતી કરી છે. વિશ્લેષકોના કહેવા અનુસાર જો ટેલિકોમ માર્કેટમાં ડુઓપોલી આવે છે તો ગ્લોબલ નેટવર્ક વેંડર્સ માટે વેપાર કરવો મુશ્કેલ થઇ જશે.