ટેલીકોમ કંપની વોડાફોન આઈડિયા પોતાના અમુક યુઝર્સ માટે એક શાનદાર ઓફર લઈને આવ્યું છે. તેમને દર મહિને રિચાર્જ કરવા પર ડિસ્કાઉન્ટ મળી શકશે.
વોડાફોન આઈડિયાનો બમ્પર ધમાકો
Viમાં મળી રહ્યું છે ધમાકેદાર કેશબેક
જાણો ઓફર વિશે બધુ જ
પ્રાઈવેટ ભારતીય ટેલીકોમ કંપની વોડાફોન આઈડિયા સમય સમય પર પોતાના યુઝર્સ માટે આકર્ષક પ્લાન્સ અને ઓફર્સ લઈને આવે છે. આજે અમે વીઆઈના એક શાનદાર ઓફર વિશે વાત કરી રહ્યા છીએ જેનાથી તમે દર મહિને કેશબેકનો લાભ ઉઠાવી શકો છો. આવો મર્યાદીત સમય માટે ઉપલબ્ધ આ ઓફર વિશે જાણીએ...
વોડાફોન આઈડિયાનો બમ્પર ધમાકો
જો તમે Vi ગ્રાહક છો અને હાલ જ 2G થી 4G સ્માર્ટફોન પર સ્વિચ કર્યું છે, તો તમે આ ઑફરનો લાભ લઈ શકો છો. હકીકતે આ ટેલિકોમ કંપનીએ એરટેલની જેમ એક નવી ઓફર જાહેર કરી છે જેનો ઉદ્દેશ્ય 2G યુઝર્સને 4G તરફ વાળવાનો છે. જો તમે 4G સ્માર્ટફોન ખરીદ્યો છે અને Vi યુઝર્સ છો, તો આ ઑફર તમારા માટે છે.
દર મહિને મળશે કેશબેક
જો તમે 2G સ્માર્ટફોનનો ઉપયોગ કરો છો અને આ ઑફરના સમયગાળા દરમિયાન તમારો પહેલો 4G સ્માર્ટફોન ખરીદો છો અને રૂ. 299 કે તેથી વધુનો પ્રીપેડ પ્લાન લો છો, તો તમને કંપની તરફથી દર મહિને રૂ. 100નું કેશબેક મળશે. તમને જણાવી દઈએ કે આ કેશબેક સતત બે વર્ષ માટે આપવામાં આવશે એટલે કે કુલ મળીને તમને 2,400 રૂપિયાનું કેશબેક મળશે. આ કેશબેક મેળવવા માટે, તમારે બે વર્ષ એટલે કે 24 મહિના સુધી રૂ. 299 કે તેથી વધુનું રિચાર્જ કરવાનું ચાલુ રાખવું પડશે.
આ બાબતોનું રાખો ધ્યાન
આ ઑફરનો લાભ લેનારાઓને જણાવી દઈએ કે તમારે Viની મોબાઈલ એપ, Vi એપ દ્વારા જ રૂ. 299 કે તેથી વધુનું રિચાર્જ કરાવવું પડશે અને તમારું કેશબેક પણ આ એપ પર આવશે. ઉપરાંત, આ ઓફરનો ઉપયોગ એકવાર ફોન નંબર પર કરી શકાય છે અને એકવાર સ્માર્ટફોને આ ઓફરનો લાભ લીધો હોય, તો તેનો ફરીથી ઓફર માટે ઉપયોગ કરી શકાતો નથી. તમને જણાવી દઈએ કે, દર મહિને ઉપલબ્ધ કેશબેક કૂપન 30 દિવસની વેલિડિટી સાથે આવે છે.
તમે 31 માર્ચ, 2022 સુધી Viની આ ઑફરનો લાભ લઈ શકો છો. તમને જણાવી દઈએ કે આ ઑફર ડિસેમ્બરથી ચાલી રહી છે.