વોડાફોન આઈડિયા તેના ગ્રાહકો માટે અવારનવાર ઓફર્સ લાવતું રહે છે. કંપનીની પ્લાન લિસ્ટમાં ઘણાં એવા પ્લાન પણ છે, જેમાં સસ્તી કિંમતમાં વધુ ડેટા અને બેનિફિટ મળે છે. આમાં સૌથી સારી વાત એ છે કે, વોડાફોન ઘણાં એવા પ્લાન પણ ઓફર કરે છે જેમાં રિચાર્જ કરાવવા પર ડબલ ડેટાનું જોરદાર બેનિફિટ મળી રહ્યું છે.
વોડાફોનના ગ્રાહકો માટે ખુશખબરી
કંપની ગ્રાહકોને ઓફર કરે છે સસ્તી કિંમતમાં ધાંસૂ પ્લાન
કંપની ડબલ ડેટાનું જોરદાર બેનિફિટ આપે છે
વોડાફોન આઈડિયાએ ગ્રાહકોને ખુશખબરી આપતા નવી ઓફર રજૂ કરી છે. જેમાં ડબલ ડેટાનો ફાયદો મળશે. કંપનીએ 299 રૂપિયા, 449 રૂપિયા અને 699 રૂપિયાના પ્લાનમાં વધુ ડેટા ઓફર કરી રહી છે. જેમાં 299 રૂપિયા, 449 રૂપિયા અને 699 રૂપિયાના પ્લાનની વાત કરીએ તો તેમાં પહેલાં 2 જીબી ડેટા મળતું હતું પરંતુ હવે નવી ઓફરમાં આ ડેટા ડબલ કરી દેવાયો છે અને હવે રોજનું 4 જીબી ડેટા આપવામાં આવી રહ્યું છે.
કંપનીના 449 રૂપિયાના પ્લાનની વેલિડિટીની વાત કરીએ તો તેમાં 56 દિવસની વેલિડિટી મળે છે. વોડાફોનના ડબલ ડેટા ઓફરવાળા આ પ્લાન દિલ્હી, મધ્યપ્રદેશ, મુંબઈ, કોલકાતા, પશ્ચિમ બંગાળ, ઓડિશા, અસમ, રાજસ્થાન અને જમ્મૂ કાશ્મીરમાં ઉપલબ્ધ છે. જ્યારે 699 રૂપિયાવાળો પ્લાન આ સર્કલ સિવાય આંધ્રપ્રદેશ અને તેલંગાણામાં પણ ઉપલબ્ધ છે.
ફ્રીમાં મળી રહી છે આ સર્વિસ
વોડાફોન તેના ગ્રાહકોને આ પ્લાનમાં વોડાફોન પ્લે, ઝી5 જેવા પ્રીમિયમ એપનું ફ્રી સબસ્ક્રિપ્શન પણ આપે છે. વોડાફોન આ ત્રણેય પ્લાનની વેલિડિટીની વાત કરીએ તો 299 રૂપિયાના પ્લાનમાં 28 દિવસ વેલિડિટી, 449 રૂપિયાના પ્લાનમાં 56 દિવસ વેલિડિટી અને 699 રૂપિયાના પ્લાનમાં 84 દિવસની વેલિડિટી મળે છે. આ ત્રણેય પ્લાનમાં રોજ 100 એસએમએસ પણ ફ્રી મળે છે. અનલિમિટેડ વોઈસ કોલિંગની સુવિધા પણ મળે છે.