પ્રતિબંધ / ભારતમાં વધુ એક App અને વેબસાઇટ પર લાગ્યો પ્રતિબંધ, યુઝર્સને વીડિયો જોવામાં આવશે મુશ્કેલી

• સરકારે VLC મીડિયા પ્લેયર પર લગાવ્યો પ્રતિબંધ
• આઈટી અધિનિયમ 2000 હેઠળ પ્રતિબંધ લગાવવામાં આવ્યો
• વીએલસીની વેબસાઈટ ખોલતા પ્રતિબંધિતનો મેસેજ બતાવાયો 

VLC મીડિયા પ્લેયરે ભારતમાં કામ કરવાનુ બંધ કર્યુ 

જેનો અર્થ એ થયો કે ભારતમાં કોઈ પણ કોઈ પણ કામ માટે પ્લેટફોર્મનુ એક્સેસ નહીં કરી શકે. લોકપ્રિય મીડિયા પ્લેયર સૉફ્ટવેર અને સ્ટ્રીમિંગ મીડિયા સર્વર VLC મીડિયા પ્લેયરે ભારતમાં કામ કરવાનુ બંધ કર્યુ છે. MediaNameના રિપોર્ટ મુજબ VideoLAN પ્રોજેક્ટ દ્વારા બનાવવામાં આવેલા VLC પ્લેયરને ભારતમાં છેલ્લાં બે મહિના પહેલા જ બ્લોક કરી દેવામાં આવ્યું હતુ. પરંતુ ભારત સરકાર અથવા કંપનીએ આ પ્રતિબંધ અંગે કોઈ ડિટેઈલ શેર કરી નથી. અનેક રિપોર્ટમાં સામે આવ્યું છે કે VLC મીડિયા પ્લેયરને સરકાર દ્વારા આઈટી અધિનિયમ 2000 હેઠળ પ્રતિબંધ મુકવામાં આવ્યો છે. 

વોડાફોન-આઈડિયા અને અન્ય દરેક મુખ્ય ISP પર બ્લોક 

એવુ કહેવામાં આવે છે કે વીએલસી મીડિયા પ્લેયર ACT ફાઈબરનેટ, વોડાફોન-આઈડિયા અને અન્ય સહિત દરેક મુખ્ય ISP પર બ્લોક છે. હાલમાં ભારત સરકારે PUBG મોબાઈલના ભારતીય એડિશન BGMIને ભારતમાં બ્લોક કરી દીધુ છે અને તેને Google Play સ્ટોર અને Apple એપ સ્ટોર પરથી હટાવી દેવામાં આવ્યું છે. આની પહેલા સરકારે સેંકડો ચીની એપ્સને પણ બ્લોક કરી દીધી છે, જેમાં PUBG મોબાઈલ, ટિકટોક, કેમસ્કેનરનો સમાવેશ થાય છે.