રશિયાની મીડિયા Proektની એક રિપોર્ટમાં દાવો કરવામાં આવ્યો છે કે રાષ્ટ્રપતિ વ્લાદિમીર પુટિનના એક મહિલા સફાઈ કર્મચારી સાથે સંબંધ હતા અને તે મહિલા આજે 700 કરોડ રૂપિયાની માલિક છે. જોકે પુટિનના પ્રવક્તાઓ દ્વારા આ આરોપોને ફગાવી દેવામાં આવ્યા છે.
રશિયાના રાષ્ટ્રપતિના પ્રેમપ્રકરણ વિશે બહાર આવી રિપોર્ટ
સફાઈકર્મી સાથે સંબંધો હોવાનો દાવો
પુટિનની એક સિક્રેટ દીકરી હોવાનો પણ દાવો
આજે અબજોપતિ છે તે મહિલા
આ રિપોર્ટ અનુસાર પુટિન સાથે સંબંધો બાદ એક દીકરીનો જન્મ પણ થયો અને તે દીકરી આજે 17 વર્ષની થઇ ગઈ છે. આ રિપોર્ટ ધ મોસ્કો ટાઈમ્સમાં પ્રકાશિત કરવામાં આવી છે. 68 વર્ષના પુટિનના જૂના રાજ આ રિપોર્ટમાં ખોલવામાં આવ્યા છે અને દાવો કરવામાં આવ્યો છે કે હવે તે મહિના રશિયાના સેન્ટ પીટર્સબર્ગના પોશ વિસ્તારમાં રહે છે.
સિક્રેટ દીકરી પણ છે !
રશિયાની મીડિયામાં દાવો કરવામાં આવી રહ્યો છે કે 17 વર્ષની તે યુવતી પુટિનની સિક્રેટ દીકરી છે. ચહેરાના તજજ્ઞો દ્વારા કહેવામાં આવ્યું છે કે તે દીકરી અને પુટિનનો ચહેરો પણ મળતો આવે છે. બ્રિટનની બ્રેડફોર્ડ યુનિવર્સિટીના વિઝુઅલ કોમ્પ્યુટિંગના ડાયરેક્ટર પ્રોફેસર હસન ઉગૈલનું માનવું છે કે પુટિન અને તેમની કથિત દીકરીનો ચહેરો એક સમાન હોવાથી કહી શકાય તો બંને એક બીજા સાથે જોડાયેલા છે.
દાવા અનુસાર જ્યારે પુટિન વિવાહિત હતા તે સમયેથી આ પ્રેમપ્રકરણ ચાલી રહ્યું હતું અને એવામાં દીકરીનો જન્મ પણ થયો, નોંધનીય છે કે બાદમાં પુટિનના છૂટાછેડા થઇ ગયા હતા. જે રિપોર્ટ સામે આવી છે તે અનુસાર દીકરીના નામની પાછળ પિતાનું નામ નથી અને તે વર્ષોથી આ રીતે જ રહે છે. જે મહિલા સાથે પુટિનના સંબંધ હતા તે મહિલા હવે 45 વર્ષની છે અને તે સમયે તે સફાઈ કર્મચારીના રૂપમાં કામ કરી રહી હતી. બાદમાં તે એક કંપનીની માલિક બની ગઈ અને હવે તે મહિલા નામે કેટલાય શહેરોમાં મકાન છે.
નોંધનીય છે કે રશિયાનાં રાષ્ટ્રપ્રમુખ પર જ્યારે આટલો મોટો ઘટસ્ફોટ કરવામાં આવ્યો ત્યારે આ રિપોર્ટમાં પુટિનની ફ્લાઈટની જાણકારી પણ આપવામાં આવી છે. જાણકારી અનુસાર જે ફ્લાઈટમાં પુટિન સવાર રહેતા હતા તે જ ફ્લાઈટમાં તે મહિલા પણ સવાર રહેતી. એક દાયકા સુધી ચાલેલ પ્રેમ બાદમાં તૂટી ગયો.
આ રિપોર્ટ સામે આવ્યા બાદ રશિયામાં પુટિનની ખૂબ ચર્ચા થઇ રહી છે અને ખળભળાટ મચી ગયો છે, સ્થાનિક મીડિયા દ્વારા તે મહિલાનો સંપર્ક કરવા માટે પ્રયત્ન કરવામાં આવ્યો પરંતુ તે કોઈ જ જવાબ નથી આપી રહ્યા જ્યારે તે જ મીડિયાએ આ સંબંધો વિશે પુટિનથી જોડાયેલા લોકોથી સવાલ કર્યા તો પુટિનના પ્રવક્તાઓએ આ સંબંધોના દાવાને ફગાવી દીધા છે.