ખુલાસો / એક સમયે ટેક્સી ડ્રાઈવરની JOB કરતાં હતા પુતિન, કારણ જાણીને વિશ્વાસ નહીં થાય

• રશિયાના રાષ્ટ્રપતિ વ્લાદિમીર પુતિને કર્યો મોટો ખુલાસો
• એક સમયે ખર્ચ ચલાવવા માટે ટેક્સી ડ્રાઈવર બનવુ પડ્યુ હતુ
• સોવિયત સંઘના વિસર્જન બાદ રશિયા આર્થિક ભીંસમાં આવ્યું હતુ

ત્યારે દેશમાં ભારે હતુ આર્થિક સંકટ: પુતિન

મહત્વનું છે કે, પુતિન પોતાના જીવનના સૌથી મુશ્કેલીભર્યા દિવસોને યાદ કરીને કહ્યું કે સોવિયત સંઘના વિસર્જન થયા પછી રશિયા પર આર્થિક મુશ્કેલીઓનો પહાડ પડ્યો હતો. જેને કારણે રશિયાએ પૈસા કમાવવા માટે નવા માર્ગ અપનાવવા પડ્યા હતા. એવામાં ઐતિહાસિક રીતે રશિયા તૂટ્યા બાદ પુતિને પોતાના જીવનની કેટલીક ઘટનાઓને દુનિયા સાથે શેર કરી છે.

વિશ્વ રહ્યું છે સાક્ષી

મીડિયા અહેવાલ મુજબ,  પુતિને કહ્યું તે વખતે પરિસ્થિતિ એવી હતી કે ક્યારેક-ક્યારેક મારે વધુ પૈસા કમાવવા પડતા હતા. જો પ્રામાણિકતાથી કહૂ તો આ અંગે વાત કરવી મને સારી લાગતી નથી પરંતુ દુર્ભાગ્યવશ આ સત્ય છે. ઉલ્લેખનીય છે કે, તત્કાલીન સોવિયત રિપબ્લિક એટલેકે સોવિયત સંઘના પતન બાદ આખા દેશમાં એકાએક મુશ્કેલીભરી સ્થિતિ ઉભી થઇ હતી. ખાસ કરીને આર્થિક મોરચે એક બે નહીં, પરંતુ અનેક પડકારો હતા. જેને આખા દેશે પાર કરવાના હતા. તેથી 1990ના પ્રારંભિક દાયકામાં હજારો રશિયન નાગરિકોને ગુજરાન ચલાવવા માટે નવા અને વૈકલ્પિક પદ્ધતિની તલાશ કરવી પડતી હતી.